QR Ulttyq banki 2017 jyldyń 22 jeltoqsanynda nominaly 100 teńgelik "Siqyrly nyshandar" seriiasyndaǵy "Tumar" kollektsiialyq monetasyn ainalymǵa shyǵardy, dep habarlaidy "Ult aqparat".
Monetanyń bet jaǵynyń (aversinde) ortalyq bóliginde onyń nominalyn bildiretin "100 TEŃGE" degen jazý, moneta daiyndalǵan metaldy jáne massasyn bildiretin "Ag 925 31,1 g" degen jazý, soǵylǵan jylyn bildiretin "2017" degen san ornalasqan. Jazýlar men san ulttyq oiý-órnekpen, monshaqtalǵan tizbekpen jáne memlekettik tildegi "QAZAQSTAN ULTTYQ BANKI" jáne aǵylshyn tilindegi "NATIONAL BANK OF KAZAKHSTAN" degen jazbamen kómkerilgen. Sol jaq bóliginde Qazaqstan teńge saraiynyń saýda belgisi, oń jaǵynda Qazaqstan Respýblikasy Ulttyq Bankiniń logotipi beinelengen.
Monetalardyń sol jáne oń bólikterinde oiý-órnek elementteri beinelengen.
Monetanyń bet jáne syrt jaqtaryndaǵy beineler men jazbalar bederli, ainaldyra shyǵyńqy jiek júrgizilgen.
Moneta 925 synamdy kúmisten daiyndalǵan, massasy 31,1 gramm, sipattalǵan sheńber diametri – 40 mm., daiyndaý sapasy "Antic silver", taralymy – 6 myń dana, qyry (gýrty) bedersiz jáne jazýsyz.
Nominaldyq quny 100 teńgelik kollektsiialyq monetalar Qazaqstan Respýblikasynyń búkil aýmaǵynda kórsetilgen qunymen tólemniń barlyq túri boiynsha, sondai-aq bank shottaryna esepteý úshin jáne aýdarym jasaý úshin qabyldanýǵa mindetti, Qazaqstan Respýblikasynyń barlyq bankterinde shekteýsiz usaqtalady jáne aiyrbastalady.
Monetalardy Qazaqstan Respýblikasy Ulttyq Bankiniń barlyq filialdarynda, www.nationalbank.kz QRUB saitynda monetalardyń internet-dúkeni arqyly satyp alýǵa bolady
sýret: sputniknews.kz
