Májilistegi Úkimet saǵatynda QR Ulttyq banki tóraǵasynyń orynbasary Berik Sholpanqulov tsifrlyq valiýtany engizýge qatysty zertteý jumystary týraly aitty, dep habarlaidy QazAqparat.
«2020 jyldyń qarasha aiynda QR Ulttyq banki 28 eldegi ortalyq bankter qamtylǵan halyqaralyq qatysýshylar quramynda ulttyq tsifrlyq valiýtany engizý máselesin zertteýge kiristi. Bul baǵyttaǵy jumystardy keiinge shegerý bolǵan joq, Ulttyq bank josparly mindetti oryndap keledi. 2021 jyldaǵy pilot jobasy qorytyndysy boiynsha Ulttyq banktiń portalynda baiandamany ornalastyrdyq, onda qarjy naryǵy men halyqaralyq sarapshylardyń qatysýymen birlese tehnologiialyq qadamdar ázirlendi», - dedi Sholpanqulov Májilistegi Úkimet saǵatynda.
Onyń aitýynsha, Memleket basshysynyń tapsyrmasyna sáikes, 2022 jyldyń 1 shildesine qarai tiisti model daiarlanady. Bul óz kezeginde tsifrlyq valiýtanyń qajettigi boiynsha barynsha teńdestirilgen qadamdar, sondai-aq jobany iske asyrýdyń ońtaily jospary eskerilmek.
«Sondyqtan bul baǵyttaǵy jumystar Ulttyq bank júrgizip jatqan zertteýdiń bekitilgen josparyna sáikes atqarylyp jatyr», - dep túsindirdi Sholpanqulov.
