Ulttyq banktiń monetarlyq operatsiialar departamentiniń direktory Nurjan Tursynhanov valiýta naryǵyndaǵy ahýal men negizgi tendentsiialar týraly aityp berdi, dep habarlaidy "Ult aqparat".
Búgin Qazaqstan qor birjasyndaǵy saýda-sattyq qorytyndysy boiynsha, teńgeniń 1 dollarǵa qatysty baǵamy arzandady
«Álemdik naryqta AQSh dollarynyń nyǵaiýy, munai óńdeý zaýyttarynyń josparly tehnikalyq qyzmet kórsetý úshin jabylýy jáne OPEK elderiniń munai óndirisin birtindep qaitarýy 2 qyrkúiekte munai baǵasyna aitarlyqtai qysym jasady. Bir kúnde munai baǵasy 1, 20 dollarǵa nemese (-) 2,61%-ǵa tómendedi. Sodai-aq, energiia naryǵyndaǵy turaqsyzdyq damýshy elderdiń valiýtasyna da áser etti. Mysaly, Indoneziia men Ońtústik Afrika valiýtalary bir kún ishinde (-) 1,2% jáne (-) 1% tómendedi» , - deidi Nurjan Tursynhanov.
Onyń aitýynsha, teńgeniń AQSh dollaryna shaqqandaǵy baǵamy munai baǵasynyń quldyraýyna jáne damýshy elder valiýtasynyń álsireýi áserinen de tómendedi.
Qazaqstan qor birjasyndaǵy saýda-sattyq barysynda bir dollar baǵamy - 420,35 teńge deńgeiinde qalyptasty, bul (-) 0,44% tómen.
