2020 jyldyń 1 sáýirine deiin Ulttyq bank syrtqy qaryzdyń biryńǵai tizilimin ázirleý tiis. Bul týraly búgin Ulttyq qoǵamdyq senim keńesiniń ekinshi otyrysynda QR Prezidenti Qasym-Jomart Toqaev aitty, dep habarlaidy "Ult aqparat".
«Elimizdiń syrtqy kreditorlar aldyndaǵy shamadan tys bereshegine qatysty alyp-qashpa áńgimeni doǵartý talap etiledi. 2020 jyldyń 1 sáýirine deiin Ulttyq ekonomika, Qary ministrlikteri jáne Ulttyq bank tsifrlandyrylǵan málimetter bazasy túrindegi syrtqy qaryzdyń biryńǵai tizilimin ázirleý tiis», - dedi Memleket basshysy.
Qazaqstan Prezidenti ulttyq keńes qoǵamnyń senimin aqtai alatynyn dáleldegenin basa aitty.
«Biz syndarly dialog arqyly jańa saiasi mádeniettiń negizin qalyptastyryp jatyrmyz. Sonyń arqasynda sanalýan pikirler men balama kózqarastar, syndarly ustanym, jaýapkershilik siiaqty qundylyqtar aldyńǵy qatarǵa shyǵady», - dedi Memleket basshysy.
