Ulttyq bank teńge/rýbl baǵamyna qatysty pikir bildirdi, - dep habarlaidy "Ult aqparat" banktiń baspasóz qyzmetine silteme jasap.
"Qazaqstan Ulttyq Banki aǵymdaǵy jaǵdaida teńge/rýbl baǵamynyń qalyptasýyna bailanysty maýsym aiy boiy rýbldiń barlyq valiýtaǵa, eń aldymen AQSh dollaryna qatysty aitarlyqtai nyǵaiǵanyn habarlaidy. Osyndai nyǵaiý RF-da engizilgen kapital qozǵalysyn baqylaý sharalary, energiia resýrstaryn qosa alǵanda, negizgi eksporttyq taýarlardyń joǵary baǵalary aiasynda, importtyń aitarlyqtai qysqarýymen birge oryn aldy", - delingen habarlamada.
Ulttyq bank málimetinshe, buryn engizilgen valiýtalyq shekteýlerdiń aitarlyqtai jeńildeýine qaramastan, Resei rýbli munai men gazdyń joǵary baǵasy, sondai-aq importtyń tómen kólemi aiasynda nyǵaiýyn jalǵastyrdy.
"Bul tiisinshe teńge/rýbl baǵamynyń rýbl úshin eń tómengi tarihi kórsetkish - 9-9,1 teńgege deiin álsireýine ákeldi. Resei Federatsiiasynda rýbl baǵamyn qalypqa keltirý sharalaryna qatysty ashyq pikirtalas júrip jatyr. Bul rette tikelei sharalardy qabyldaý Reseige qarsy engizilgen sanktsiialarmen qiyndap tur", - delingen habarlamada.
Óz kezeginde, teńgeniń Resei rýbline qatysty aiyrbas baǵamy tikelei qalyptaspaidy, ol teńge men rýbldiń dollarǵa qatysty baǵamyna qarai jekelei qalyptasady.
"Teńge/rýbl naryǵy derbes qalyptastyrý úshin jetkilikti túrde tereń jáne ótimdi emes, bul Resei men Qazaqstan arasyndaǵy saýda teńgerimsizdigine, sondai-aq qazaqstandyq eksporttaýshylardyń óz ónimderin Resei Federatsiiasyna teńgege satpaýyna bailanysty. Reseilik eksporttaýshylardan aiyrmashylyǵy – reseilik rýblge satatyn reseilik eksporttaýshylarǵa qaraǵanda, Resei Federatsiiasyndaǵy teńgege degen suranystyń tómendigi osymen bailanysty", - dedi UB ókilderi.
Olardyń málimetinshe, valiýtalyq saiasat aiasynda Ulttyq Bank qubylmaly aiyrbas baǵamy saiasatyn ustanady. Bul – teńgerimsizdikterdiń jinaqtalýyn boldyrmaidy jáne onymen qatar eldiń altyn-valiýta rezervterin saqtaýǵa múmkindik beredi.
"Sondyqtan rýblmen nemese kez kelgen basqa valiýtamen paritetke áser etý maqsatynda ulttyq valiýtanyń aiyrbas baǵamy boiynsha kez kelgen amaldar jasaýǵa jol berilmeidi. Qazaqstan Respýblikasynyń Ulttyq Banki aidyń sońynda valiýta naryǵynda jasalǵan barlyq operatsiialar, onyń ishinde altyn-valiýta aktivteri esebinen jasalǵan interventsiialar, Ulttyq qordyń nemese BJZQ atynan jasalǵan operatsiialar týraly aqparatty jariia etedi", - delingen habarlamada.
