QR Ulttyq bank tóraǵasynyń orynbasary Aqyljan Baimaǵambetov biyl teńge dollarǵa qaraǵanda nyǵaiǵanyn aitty, dep habarlaidy "Ult aqparat".
Biylǵy qańtarda jyldyq infliatsiia 5,6 paiyz boldy. 2020 jyly azyq-túlik infliatsiiasynyń baiaýlaýy bolady dep kútilýde.
«Osy jaǵdailarda biylǵy 3 aqpanda Ulttyq bank bazalyq stavkany 9,25 paiyz deńgeiinde saqtaý týraly sheshim qabyldady. Qańtarda birjalyq aiyrbas baǵamy bir dollar úshin 376-382 diapazonynda ózgerdi. Ótken aida teńge 0,9 paiyzǵa paiyzǵa nyǵaidy, iaǵni bir dollar úshin 379,05 teńgege deiin», - dedi A. Baimaǵambetov.
Onyń sózine qaraǵanda, teńgeniń nyǵaiýy munaiǵa álemdik baǵanyń tómendeýine qaramastan oryn aldy.
«Jyl basynan beri «Brent» markaly munai baǵasy koronavirýstyń jyldam taralýyna jáne AQSh-ta munai qorynyń ósimine bailanysty barreline 68-den 54 dollarǵa deiin tómendedi. 10 aqpanda onyń deńgeii 53,27 dollar kóleminde qalyptasty», - dedi UB ókili.
