Ulttyq bank ókilderi maýsymnyń qorytyndysy boiynsha eldiń valiýta naryǵyndaǵy jaǵdai týraly aitty, - dep habarlaidy "Ult aqparat".
Maýsym aiynyń qorytyndysy boiynsha, teńge baǵamy 1 dollar úshin 470,24 teńgege deiin nemese 13,3%-ǵa álsiregen. Sondai-aq Qazaqstan qor birjasyndaǵy saýda-sattyqtyń ortasha kúndik kólemi bir aida 115 mln AQSh dollarynan 96,4 mln AQSh dollaryna deiin tómendegen. Saýda-sattyqtyń jalpy kólemi 2,1 mlrd AQSh dollaryn qurady.
"Energiia tasymaldaýshylardyń qolaily baǵasyna qaramastan, ulttyq valiýta baǵamy shekteýli valiýta usynysy men valiýtaǵa degen suranystyń bir ýaqytta ósýi aiasynda álsiredi. Valiýta usynysynyń tómendeýi – eksporttaýshylardyń salyq tóleý úshin valiýta satýdy qysqartýyna, al suranystyń ósýi dividend tóleýdiń bastalýyna bailanysty boldy" - delingen habarlamada.
Valiýta naryǵyna kvazimemlekettik sektor sýbektileriniń valiýtalyq túsimdi satýy qoldaý kórsetti, olar shamamen 480,4 mln AQSh dollaryn quraǵan.
"Maýsymda Ulttyq qordan respýblikalyq biýdjetke transfertterdi qamtamasyz etý úshin valiýta 438,3 mln AQSh dollaryna satyldy. Ulttyq qordan satý úlesi saýda-sattyqtyń jalpy kóleminiń 20,7%-yn qurady.
Maýsym boiy ishki valiýta naryǵynda Ulttyq Bank valiýtalyq interventsiialardy, sondai-aq BJZQ-nyń zeinetaqy aktivteri men senimgerlik basqarýdaǵy basqa da qorlar úshin shetel valiýtasyn satyp alý nemese satý boiynsha operatsiialardy júzege asyrǵan joq" - deidi UB ókilderi.
Qysqamerzimdi perspektivada teńgeniń qubylmalylyǵy geosaiasi jaǵdaidyń ózgerýine, ishki qatysýshylardyń kútýlerine jáne álemdik naryqtardaǵy ahýalǵa bailanysty bolmaq.
Ulttyq Bank teńgerimsizdikterdiń jinaqtalýyn boldyrmaityn jáne altyn-valiýta rezervteriniń saqtalýyn qamtamasyz etetin ikemdi baǵam belgileý rejimin ustanýdy jalǵastyrady.
