Qazaqstan Ulttyq Banki QAJYMUQAN MUŃAITPASULY. 150 JYL kollektsiialyq monetalaryn ainalymǵa shyǵarady, dep habarlaidy "Ult aqparat".
Monetalardyń satylymǵa shyǵatyn kúnine qatysty aqparat QUB-tyń resmi saitynda qosymsha jariialanbaq.
QAJYMUQAN MUŃAITPASULY. 150 JYL kollektsiialyq monetalary týraly
Nominaly 100 teńgelik melhiordan soǵylǵan moneta «Este qalatyn oqiǵalar men birtýar adamdar» seriiasyn jalǵastyrady.
2021 jyly qazaq balýany jáne tsirk ártisi Qajymuqan Muńaitpasulynyń týǵanyna 150 jyl tolady.
Moneta betiniń (aversiniń) ortalyq bóliginde Qazaqstan Respýblikasynyń Memlekettik eltańbasy beinelengen. Eltańbanyń oń jaǵy men sol jaǵynda ulttyq oiý-órnektiń elementteri ornalasqan. Monetany ainaldyra QAZAQSTAN ULTTYQ BANKI • NATIONAL BANK OF KAZAKHSTAN degen jazý jazylǵan. Tómengi bóliginde monetanyń nominalyn bildiretin 100 TEŃGE jazýy bar.
Monetanyń ekinshi betinde (reversinde) Qajymuqan Muńaitpasulynyń sýreti, portrettiń sol jaǵynda mereitoilyq datany bildiretin 150 JYL degen jazý, oń jaǵynda kúres óneriniń fragmenti men monetanyń shyqqan jylyn bildiretin «2021» degen jazý, sol jaǵyna qarai monetany ainaldyra QAJYMUQAN MUŃAITPASULY degen jazý ornalasqan.
Kollektsiialyq moneta MN25 melhior quimasynan, salmaǵy – 15 gramm, diametri – 33 mm, sapasy – brilliant uncirculated, nominaly – 100 teńge, taralymy – 15 000 dana bolyp daiyndaldy.
Moneta kollektsiialyq quny boiynsha satýǵa arnalǵan. Olar Qazaqstan Respýblikasynyń aýmaǵynda barlyq tólem túrinde nominaldy quny boiynsha qabyldaýǵa jatady, sondai-aq monetalardy bank shottaryna salyp, aýdarym jasaýǵa, Qazaqstan Respýblikasynyń barlyq bankterinde aiyrbastap, usaqtaýǵa bolady.
Kollektsiialyq moneta Qazaqstannyń teńge saraiynda jasalǵan.
