QR Ulttyq bankiniń tóraǵasy Erbolat Dosaev bankomattardyń jumysyn qamtamasyz etý boiynsha atqarylyp jatqan jumystar týraly málimet berdi, dep habarlady QazAqparat.
Úkimet otyrysynda Ulttyq bank basshysy qarjylyq turaqtylyqty, ásirese valiýta naryǵyndaǵy qarjylyq turaqtylyqty qamtamasyz etý sharalary qalai iske asatynyn aitty.
«Qarjy júiesiniń turaqty jumysyn qamtamasyz etý maqsatynda Ulttyq Bank mynadai shuǵyl sharalar qabyldady.
Biylǵy 7 qańtardan bastap búkil el boiynsha ekinshi deńgeidegi bankterdiń onlain servisterine kirý kezeń-kezeńimen qalpyna keltirildi. Búginnen bastap Almaty qalasy men Almaty oblysyn qosa alǵanda, bankterdi qolma-qol aqsha qarajatymen jáne qolma-qol aqsha berý úshin bankomattardyń jumysyn qamtamasyz etý boiynsha sharalar qabyldandy», - dedi Erbolat Dosaev.
Sonymen qatar, ol 10 qańtardan bastap qarjy sektory men memlekettik biýdjettiń teńgedegi tólemderin júrgizý úshin Qazaqstan bankaralyq esep aiyrysý ortalyǵynyń tólem júieleri shtattyq rejimde jumys istei bastaǵanyn eske saldy.
«Bank júiesiniń ótimdiligin qoldaý maqsatynda Qazaqstan qor birjasynda repo operatsiialary arqyly teńgedegi ótimdilikti usyný operatsiialary shekteýsiz kólemde júrgizilýde», - dedi Ulttyq bank tóraǵasy.
