Britaniianyń Kornýoll túbeginde aldaǵy senbide bastalatyn «Úlken jetilik» sammitine sońǵy daiyndyq júrip jatyr, dep habarlaidy Euronews.
Angliianyń osy kórkem buryshynyń turǵyndary kelýshilerdiń kóp bolatynyna bailanysty daiyndalyp jatyr, al politsiia qaýipsizdik sharalaryn kúsheitýde. Osyndai qadamdardyń biri úisizderdi evakýatsiialaý jáne olardy aimaqtan tys jerde ornalastyrý boldy. Biliktiń mundai buiryqtary men quqyq qorǵaý organdarynyń áreketteri qaiyrymdylyq uiymdarynyń narazylyǵyn týdyrdy.
«Jańa kilt» qaiyrymdylyq uiymynyń menedjeri Monik Kollins keibir úisiz adamdar kólikterde, basqalary shatyrlarda qalǵandyǵyn, kóbisi Kornýolldan tys jerde ornalastyrylǵandyǵyn aitty. «Biraq bul adamdardyń barlyǵy biz turǵan Niýkide týyp-ósken. Endi olar Plimýt pen Okhemptondaǵy qonaq úi bólmelerine ornalastyryldy, olar budan birneshe shaqyrym jerde ornalasqan. Bul - keshirilmeitin áreket»,- dedi.
Sársenbide AQSh prezidenti Djo Baiden sammitke qatysý úshin Eýropaǵa barady. Beisenbide ol Ulybritaniianyń premer-ministri Boris Djonsonmen kelissózder júrgizedi dep kútilýde. Baidenniń eýropalyq sapary Jenevada Resei prezidenti Vladimir Pýtinmen kezdesýimen aiaqtalady.
