QR Densaýlyq saqtaý birinshi vitse-ministri Marat Shoranov naýryz aiynda KVI-diń taralý úrdisine qatysty pikir bildirdi, dep habarlaidy "Ult aqparat".
Ortalyq kommýnikatsiialar qyzmetinde naýryz-sáýir ailarynda koronavirýstyń taralýy kórsetkishine qatysty suraq qoiyldy.
«Jalpy, qazirgi jáne aqpan aiyndaǵy jaǵdaiǵa qarap, naýryz jáne aldaǵy aida 15 myńnan 20 myńǵa deiin naýqas bolýy múmkin degen esepteýler jasalyp otyr. Degenmen, barlyǵy ózimizge bailanysty. Naýryzda biraz mereke kúnderi qamtylǵan», - dep toqtaldy birinshi vitse-ministr.
Osy oraida ol ótken Jańa jyldyq merekeleýden keiingi eki aptadan soń bizde naýqastardyń sany kóbeigenin atap ótti.
«Sondyqtan úlken toilardy jasamaýǵa, iri merekelik is-sharalardy uiymdastyrmaýǵa shaqyramyz. Naýryz meiramyn otbasy múshelerimen ǵana atap ótken durys bolady. Maska taǵyp, áleýmettik qashyqtyqtyqty saqtaǵan da abzal», - dedi M. Shoranov.
