Sel ustaityn bógetter qurylysyna bailanysty Úlken Almaty shatqalyna barýǵa shekteý engiziledi. Bul týraly QR Tótenshe jaǵdailar ministri Iýrii Ilin aitty, dep habarlaidy QazAqparat.
«Qar men ylǵal qorynyń jinalýy áli de jalǵasýda. Jaýyn-shashyn mólsheri boiynsha tótenshe jaǵdai týyndaý qaýpi joǵary óńirler: Aqmola oblysy aýmaǵy, Qaraǵandy oblysy aýdandarynyń bir bóligi, Soltústik Qazaqstan jáne Aqtóbe oblystary, onda qazirgi qar qory kópjyldyq baqylaýdan 50%-ǵa asady», - dedi ministr Ortalyq kommýnikatsiialar qyzmetinde ótken brifingte.
Ministrdiń málimetinshe, aryq jelisi men ózenderdi tazartý jumystary aiasynda Almatyǵa qaýip tónip turǵan joq. Anaǵurlym qaýipti sel kezeńi shilde, tamyz, qyrkúiek ailarynda qalyptasady. Osy kezeńde vedomstvo bólimsheleri profilaktikalyq baqylaýmen ainalysady.
Sonymen birge ministr Úlken Almaty shatqalyna barýǵa shekteý qoiylatynyn eskertti.
«Biyl biz Aiýsai jáne Aqsai shatqaldarynda eki sel ustaityn bóget qurylysyn bastadyq. Jaqynda ǵana jumysty bastaýǵa daiyndyq tekserildi. Men Almaty turǵyndaryna úndeý jasaǵym keledi. Eń aldymen Almaty turǵyndary men týristerdiń ómiri men densaýlyǵynyń qaýipsizdigin qamtamasyz etý úshin qurylys jumystary júredi, almatylyqtar men ońtústik astana qonaqtary jaqsy kóretin Úlken Almaty shatqalyna barý boiynsha keibir shekteýler engiziletinin eskertkimiz keledi. Sondyqtan tiisti túsinistikpen qaraý kerek, óitkeni bul bolashaqta megapolistiń qaýipsizdigin qamtamasyz etedi», - dep túsindirdi Iu. Ilin.
