1 shilde kúni Qazaqstan Respýblikasy Ulttyq ulanynyń almatylyq 5571 áskeri bóliminiń jas sarbazdardy Áskeri ant qabyldady.
Elbasy N.Nazarbaev táýelsizdik alǵannan keiingi quqyqtyq tártipti qamtamasyz etýge jiti kóńil bóle otyryp, egemendik deklaratsiiasy jariialanǵannan keiin nebári 26 kúnnen soń memleketimizde alǵashqy kúsh-qýat organy retinde Ishki áskerdi qurǵan bolatyn. Mine, bizdiń jaýyngerlik tarihymyzda dáp sol 1992 jylǵy 10 qańtardan bastaý alady. Sol kezden bastap keshegi Ishki ásker, búgingi Ulttyq ulannyń jeke quramy alǵa qoiylǵan tapsyrmalardy laiyqty túrde oryndap, jeke adam men azamattyń konstitýtsiialyq quqyǵyn, qaýipsizdigin, qoǵam qundylyqtaryn, memleket turaqtylyǵy men tynyshtyǵyn qaýip-qaterlerden jan-jaqtyqorǵaý jolyndaǵy jaýapty qyzmetti abyroimen atqaryp keledi. 2017 jylǵy 10 qańtarda Ulttyq ulannyń qurylǵanyna 25 jyl toldy.
Aldaǵy elimizdiń eldik merekesi – Astana kúnine orai orailastyrylyp ótkizilgen sharaǵa Ulttyq ulan Bas qolbasshysynyń orynbasary general-maior Muhametqali Satov, ózara is-qimyl jasaityn organdardyń, Almaty oblysy Jambyl aýdany ákimshiliginiń jetekshileri, sondai-aq din ókilderi, ardagerler men oqýshylar qaýymy jáne sarbazdardyń týǵan-týystary qatysty. Áskeri antty 460-tan asa jas sarbaz qabyldady.
Jinalǵan qaýym aldynda quttyqtaý sóz sóilegen general-maior Muhametqali Satov: "Ant qabyldaý - Otanyńa, halqyńa aqtyq demiń shyqqansha adal bolý, el basyna syn saǵat tússe, onda moiymai kóterý, qajet bolsa, jan qiiý degen sóz. Ant – adaldyq rýhy. Halqymyz «Anttan attaǵany – ardan attaǵany», - deidi. Iaǵni, adamzat normalarynyń qalyptasqan shegi ar bolsa, ony buzý opasyzdyqqa jatady. Talai ǵasyr halqynyń erkindigin syrtqy jaýlardan qorǵaǵan Qabanbai, Bógenbai, Naýryzbai syndy batyr babalarymyzdyń, keshegi fashizmniń otyn óshirgen maidanger atalarymyzdyń amanattaǵan Otanymyzdyń táýelsizdigin qyraǵy kúzetý - eń ulyq qyzmet. Sondyqtanda bergen anttaryńa árdaiym adal bolyńdar", - dep atap ótti.
