video kadry
Qaýipsizdik kúshteri uiymdasqan qylmystyq toptyń jetekshileri men múshelerin ustaý boiynsha arnaiy operatsiia júrgizdi, - dep habarlaidy QR UQK baspasóz qyzmeti.
2022 jylǵy 3 qańtarda QR UQK men IIM Reseilik Federaldyq qaýipsizdik qyzmeti jáne IIM-men birge Baiqońyr qalasynda quramyna Qazaqstan jáne Resei azamattary kirgen qoǵamǵa qaýipti uiymdasqan qylmystyq toptyń jolyn kesý boiynsha birlesken arnaiy operatsiiany iske asyrǵan.
"Bir ýaqytta Astana, Qyzylorda jáne Qonaev qalalarynda osy toptyń kómekshileri ustaldy. Jalpy, arnaiy operatsiia barsynda uiymdasqan qylmystyq toptyń 18 basshysy men belsendi músheleri ustaldy.
Olardyń turǵylyqty jerleri boiynsha atys qarýy, aqshalai qarjy jáne tergeý úshin qyzyǵýshylyq týdyratyn ózge de materialdar alyndy", - delingen habarlamada.
UQK málimetinshe, qylmystyq toptyń adam urlaýǵa, bopsalaýǵa, qarýmen qaraqshylyq shabýyldaý jáne urlyqqa qatystylyǵy bary anyqtalǵan. Qylmystyq elementter uzaq ýaqyt boiy Baiqońyr qalasy jáne Qyzylorda oblysyndaǵy qylmystyq ahýalǵa keri áser etip kelip, aýyr jáne asa aýyr qylmystardy jasaýda qatygezdikterimen erekshelengen.
"Mysaly, 2022 jylǵy qyrkúiekte qylmystyq toptyń qatysýshylary arasyndaǵy qarýly qaqtyǵys saldarynan kósheden ótip bara jatqan beibit adam oq jaraqatyn alyp, oqiǵa ornynda kóz jumǵan", - deidi UQK ókilderi.
UQK qyzmetkerleri arnaiy operatsiiany prokýratýramen kelise otyryp, jedel-izdeý jáne tehnikalyq is-sharalardyń keshenin júrgizý arqyly kóp ailar boiy tyńǵylyqty ázirlep kelgen.
Qazirgi ýaqytta sotaldy tergeý aiasynda ustalǵandardyń ózge de qylmystarǵa qatystylyǵy tekserilýde jáne qajetti tergeý amaldary júrgizilip jatyr.
