UQShU Ujymdyq bitimger kúshteriniń kontingenti Qazaqstanǵa shekteýli ýaqytqa jiberildi. Bul týraly UQShU Ujymdyq qaýipsizdik keńesiniń kezekten tys sessiiasynda Resei Prezidenti Vladimir Pýtin málim etti, dep habarlaidy QazAqparat agenttigi.
«Baýyrlas Qazaqstan halqyna kómek kórsetý boiynsha birlesken qadamdar barynsha jedel kelisildi. Osy oraida UQShU tetigi naqty iske qosyldy. Qazaqstanǵa UQShU Ujymdyq bitimger kúshteriniń kontingenti baǵyttaldy. Olar merzimi boiynsha shektelgen ýaqytqa jiberildi. Iaǵni ol qajetti merzimdi Qazaqstan Prezidenti aiqyndaidy», - dedi Pýtin.
Resei Prezidentiniń aitýynsha, óziniń fýnktsiiasyn oryndaǵannan keiin, UQShU-nyń kontingenti Qazaqstan aýmaǵynan mindetti túrde shyǵarylady.
Aita keteiik, búgin UQShU Ujymdyq qaýipsizdik keńesiniń kezekten tys sessiiasy ótip jatyr. Jiyn Qazaqstan tarapynyń bastamasymen shaqyryldy.
