Máskeýde UQShU Bas hatshysy Stanislav Zas Halyqaralyq kóshi-qon uiymynyń Máskeýdegi Biýrosynyń direktory Abdýsattar Esoevpen kezdesti, dep habarlaidy QazAqparat.
Ujymdyq qaýipsizdik shart uiymynyń (UShQU) baspasóz hatshysy Vladimir Zainetdinovtyń aitýynsha, S.Zas Halyqaralyq kóshi-qon uiymynyń ókilin UQShU aiasyndaǵy kóshi-qonmen bailanysty jaǵdai jáne uiymnyń zańsyz kóshi-qonmen kúres baǵytynda atqaryp jatqan jumystarmen tanystyrdy.
Ol jahandyq qaýipsizdikti qamtamasyz etý maqsatynda álemdik qoǵamdastyqtyń kúsh biriktiretin ýaqyty jetkendigin eske saldy. UQShU Bas hatshysy 2008 jyldan bastap júrgizilip kele jatqan «Zańsyz kóship konýshy» (Nelegal) halyqaralyq operatsiiasynyń nátijeleri jóninde baiandady.
«Quqyq qorǵaý organdarynyń kúsh biriktirip júrgizgen 25 belsendi sharasynyń arqasynda kóshi-qon zańdaryn buzýshy 1,5 mln adam tabylyp, zańsyz kóship-qoný áreketterin uiymdastyrǵany úshin 13 myń, adam saýdasy úshin 562 qylmystyq is qozǵalyp, 90 mln dollar aiyppul salyndy», - dedi S.Zas.
UQShU hatshylyǵyna uiymǵa múshe memleketterdiń quqyq qorǵaý qyzmetterinen kelip jatqan materialdarǵa júrgizilgen taldaý jumystary qazirgi tańda óńirdegi kóshi-qonmen bailanysty jaǵdaidyń turaqty ári baqylaýda ekenin kórsetti.
«Bul rette aita ketetin másele, UQShU-ǵa qaraityn aýmaqta ishki saiasi jaǵdaiy turaqsyz jáne ekonomikalyq jaǵdaiy kúrdeli Ońtústik-Shyǵys Aziia, Aziia-Tynyq Muhity óńiri, Taiaý jáne Orta Shyǵystan kóship-qonýshylar legi bar jáne olar Ortalyq Aziia arqyly Resei men Belarýs memleketterine aǵylyp jatyr. Atalǵan aimaqtar zańsyz kóship-qonýshylar ótetin tranzitti memleketter sanalady. Bul rette kóship-qonýshylardyń basty turaqtaityn jerleri negizinen Eýropalyq Odaqqa múshe memleketter»,-dedi UQShU-nyń Bas hatshysy.
Abdýsattor Esoev bolsa Halyqaralyq kóshi-qon uiymynyń UQShU-men yntymaqtastyqy arttyrýǵa zor mańyz beretinin atap ótti.
Ol Halyqaralyq uiymnyń Máskeýdegi ókildigi UQShU hatshylyǵymen birlesip, UQShU-na múshe memleketterdiń zańsyz kóshi-qon men adam saýdasymen kúres zańnamalaryna Keshendi salystyrmaly-quqyqtyq taldaý júrgizgenin aitty.
Bul taldaýdyń basty ereksheligi sol, onyń nátijesinde UQShU-ǵa kiretin memleketterdiń barlyǵynyń zańnamalary zańsyz-kóshi-qon men adam saýdasymen kúres salasyndaǵy jalpyǵa ortaq standarttarmen sáikes keletini anyqtaldy.
Kezdesý sońynda taraptar UQShU men HKQU arasyndaǵy yntymaqtastyqtyń búgingi jaǵdaiyna qanaǵattanatynyn aityp, ekijaqty múddege sáikes baǵyttar boiynsha yntymaqtastyqtyń tiimdiligin arttyra berýge kelisti.
