Tamyzdyń 27-nen 28-ne qaraǵan túni Odessa munai óńdeý zaýytynyń aýmaǵynda jarylys bolyp, órt shyqty, dep habarlaidy "Ult aqparat" «Ýkrinform» agenttigine silteme jasap.
Agenttiktiń jergilikti «Dýmskaia» basylymyna silteme jasap habarlaýynsha, politsiia jarylystan keiin qosalqy stansanyń qasyndaǵy shóp órtene bastaǵanyn baiandaǵan.
Jýrnalister sondai-aq oqiǵa bolǵan aýdanda ys pen tútin bolǵanyn atap ótti.
Sondai-aq, keiin politsiiada MÓZ aýmaǵyndaǵy transformatorlyq qosalqy stansa jarylyp, odan keiin qasyndaǵy shóp órtene bastaǵanyn rastaǵan. Qaza tapqandar men zardap shekkender týraly aqparat kelip túsken joq.
Osy arada, jergilikti turǵyndar jarylystyń metall izdep, zaýytqa kabel kesý úshin jii kelip júrgenderdiń kesirinen bolýy tiis dep kúdiktenedi.
