Ýkraina parlamenti "Soǵys ardagerleri mártebesi, kepildikteri men áleýmettik qorǵalýy týraly" zańynan Uly otan soǵysy týraly eskertpelerdi alyp tatady. Seisenbide ótken otyrysta bul sheshimdi 241 parlamentarii qoldady, al zańnyń qabyldanýyna 226 daýys ta jetkilikti bolatyn, - dep habarlaidy kaz.tengrinews.kz RIA Novosti agenttigine silteme jasap.
"Mátinde "1941-1945 jyldardaǵy Uly Otan soǵysy", "Uly Otan soǵysy men 1945 jylǵy imperialistik Japoniiamen soǵys" sózderi "Ekinshi dúniejúzilik soǵys" sózderimen almastyryldy", - delingen zań mátininde.
Eske salaiyq, Ýkrainanyń Joǵarǵy radasy 2015 jyly "Jeńis kúni" ataýyn alyp tastaǵan bolatyn. Buryn merekeniń tolyq ataýy "1941-1945 jyldardaǵy Uly Otan soǵysyndaǵy Jeńis kúni" ataýy qoldanylsa, qazir "1939-1941 jylǵy Ekinshi dúniejúzilik soǵystaǵy fashizmdi jeńgen kún" ataýy qoldanylady.
