Qazaqstan UQK Soltústik Qazaqstan oblysy boiynsha departamenti Shekara qyzmetimen birlese Petropavl qalasynyń turǵyndary uiymdastyrǵan zańsyz kóshi-qon arnasynyń jolyn kesti, - dep habarlaidy "Ult aqparat".
UQK baspasóz qyzmetiniń málimeti boiynsha, departament qyzmetkerleri turǵyn úiden jalǵan qujattar (026/ý nysanyna sáikes diagnoz ben emdelý merzimin rastaý úshin aýmaqtyq ambýlatoriialyq-emhanalyq uiymnyń dárigerlik-konsýltatsiialyq komissiiasynyń qorytyndylary, shetel meditsinalyq uiymdarynan emdelýge shaqyrý hattar, PTsR-testiler) jasaityn "jasyryn" tseh ashqanyn anyqtaǵan. Olardy koronovirýs pandemiiasyna bailanysty karantin shekteýleri qoldanylǵan kezeńde Resei Federatsiiasymen memlekettik shekarany kedergisiz kesip ótý úshin Qazaqstan azamattaryna satqan.
Júrgizilgen tintý barysynda qazaqstandyq jáne reseilik meditsinalyq uiymdardyń mórleri, oblystyń klinikalyq-diagnostikalyq zerthanasy men emhanasynyń PTR-testileriniń qorytyndylary alyndy.
QR QK-nyń 394-baby 2-bóligi ("Adamdar toby aldyn ala sóz bailasyp jasaǵan zańsyz kóshi-qon") boiynsha sotaldy tergeý júrgizilip jatyr.
