QR UQK departamentiniń basshysy Baqytbek Raqymberdiev Siriiadaǵy qaqtyǵys aýmaqtarynda júrgen qazaqstandyqtardyń sanyn atady, dep habarlaidy Baq.kz agenttigi.
UKQ departament basshysynyń aitýynsha, Siriiada áli de bolsyn 370-380-ge tarta Qazaqstan azamaty bar.
«Olardyń basym kópshiligi áielder. Olarmen birge 400-500 kishkentai bala bar», - dedi ol.
Eske sala ketsek, 6 qańtarda Nursultan Nazarbaevtyń tapsyrmasymen quqyq qorǵaý organdary men Syrtqy ister ministrligi júrgizgen gýmanitarlyq shara – «Jýsan» operatsiiasy nátijesinde Siriiadan 47 Qazaqstan azamaty, sonyń ishinde 30 bala elimizge qaitarylǵan bolatyn.
Onyń aitýynsha, gýmanitarlyq operatsiia boiynsha Qazaqstanǵa 6 er adam, 11 áiel, 30 bala qaitaryldy. Olardyń keibirin azamattyǵynan aiyrý máselesi baryn atap ótti.
«Iá, Prezidenttiń bastamasymen bul norma zańnamalyq turǵyda bekitilgen bolatyn. Qazirgi tańda qaqtyǵys aimaqtarynan kelgen azamattarǵa qatysty bul shara qarastyrylyp jatyr. Bálkim, keiin sot sheshimi boiynsha júzege asýy da múmkin. Biraq, bul rette jaǵdaidyń múlde bólek ekenin aita ketý kerek. Bul adamdar ózdigimen elge oralýǵa niet bildirgen. Kináli dep tanylǵandar Qazaqstanda jazaǵa tartylady. Kinásizder týraly álbette, shara qoldaný qarastyrylmaidy», - dedi Rahymberdiev.
