QR Ulttyq qaýipsizdik komitetindegiler Aqtóbedegi munai urlaý isi boiynsha 8 kompaniiada tekserý jumystaryn júrgizip, olardyń qujattaryn aldy. Bul týraly kaz.tengrinews.kz joldaǵan resmi saýalǵa jaýapta aitylady.
2016 jyldyń 6-8 jeltoqsan aralyǵynda UQK ókilderi Sybailas jemqorlyqqa qarsy kúres qyzmeti men elimizdegi ishki ister organy qyzmetkerlerimen birige otyryp, elimizdiń batys óńirlerinde munai urlaýmen ainalysatyn qylmystyq toptardyń áreketterine tosqaýyl qoiý úshin iri arnaiy operatsiialar júrgizdi.
"Tekserý jumystarynyń nátijesinde "Aqtóbe neftepererabotka" JShS, VIVA Pro, Vernal Oil Kazakhstan, WKD, OilTreidLogistics, "AP-NAFTA OPEREITING", "Felkonoil end Ges LTD" jáne "Sagiz Petroleým Kompani" kompaniialaryna qatysty tergeý jumystaryn júrgizý úshin olardyń qujattary alyndy. Kompaniia basshylyǵy men ondaǵy qyzmetkerler qamaýǵa alynǵan joq", - dedi UQK ókilderi.
Sondai-aq, habarlamada osy is boiynsha taǵy úsh adamnyń ustalǵany aitylady. Komitettegilerdiń málimetinshe, Aqtóbe qalalyq №2 soty Týrjanov M., Noǵaev N. jáne Kýntsevich S. qatysty qamaýǵa alý týraly sheshim shyǵardy.
Osyǵan deiin Aqtóbede munai urlyǵy isi boiynsha taǵy 7 adamnyń qamaýǵa alynǵany habarlanǵan bolatyn. "Aqtóbe qalalyq №2 sotyna arnaiy operatsiia kezinde ustalǵan B.K.Batyrov, N.S.Qazkenov, S.B.Dýsýpov, E.Ý.Erketaev , A.A.Amitov, J.M.Iliiasov, A.M.Qaliev, A.J.Sársenov jáne Erkin Izbasarǵa (1-shi toptaǵy múgedek) qatysty bultartpaý sharasy retinde qamaýǵa alý týraly ótinish kelip tústi", - delingen edi habarlamada.
Eske sala keteiik, Erkin Izbasar Aqtóbedegi munai bazasynyń territoriiasynda iri arnaiy operatsiia júrgen kúni Almatyda ustalǵan bolatyn. Uiymdasqan qylmystyq toptyń liderimen birge onyń oqqaǵary men júrgizýshisi ustalǵan edi. Al keiinirek munai urlaýmen ainalysqan qylmystyq toptyń jetekshisi Aqtóbege UQK ushaǵymen jetkizilgen bolatyn. Erkin Izbasarovpen birge onyń kólik júrgizýshisi men oqqaǵary da qazir Aqtóbede. Endi olardy munai urlyǵyna qatysty osynda tergeitin bolady. Izbasarovtiń aimaqtaǵy jat aǵymnyń jeteginde ketken jigitterdi óz paidasyna jumsap otyrǵany belgili bolyp otyr.
