«Qazaqstan Respýblikasynyń Ulttyq Qaýipsizdigi týraly» Qazaqstan Respýblikasynyń Zańyna sáikes jáne kiberqaýipsizdik pen aqparattyq qaýipsizdikti qamtamasyz etý maqsatynda QR UQK qaýipsizdik sertifikatyn qoldanýdy testileýdi sátti aiaqtady, dep habarlaidy "Ult aqparat" QR UQK baspasóz qyzmetine silteme jasap.
Nátijesinde kiber jáne aqparattyq keńistikte kiberqaýiptiń aldyn alý júiesi quryldy.
Aqparattyq qaýipsizdiktiń ulttyq úilestirý ortalyǵy tek ótken aida ǵana memlekettik organdar men jeke kompaniialarǵa qatysty 8 mln márte virýstyq belsendilikti jáne 130 myń kibershabýyldy anyqtady. Odan bólek, birqatar memlekettik organdarǵa kibertyńshylyq jasaý faktileri ashyldy.
Sonymen qatar, sertifikat engizýdiń túitkildi máseleleri zerdelendi, bailanys operatorlarynyń jumysyna yqpal etetin tustary tekserildi.
Sertifikat bolashaqta ulttyq qaýipsizdikke kiber jáne aqparattyq shabýyl arqyly qater tóngen jaǵdaida el azamattaryna aldyn ala eskertý bere otyryp qoldanylatyn bolady.
Testileý jumystarynyń oń nátijege jetkenin eskere otyryp, UQK 7 tamyzdan bastap testileýdiń toqtatylatynyn málimdeidi. Jaqyn arada resmi saitta jeke qurylǵylardaǵy qaýipsizdik sertifikatyn óshirý joldary kórsetilgen nusqaýlyq jariialanady.
