© Sputnik / Bolat Shaihinov
Premer-ministrdiń orynbasary Tamara Dúisenova Memlekettik til saiasatyn iske asyrý jónindegi komissiianyń otyrysyn ótkizdi, dep habarlady úkimettiń baspasóz qyzmeti.
Komissiia otyrysynda qazaq tiliniń memlekettik til retindegi damý máseleleri, til mádenietin arttyrý jáne tildik kapitaldy nyǵaitýǵa baǵyttalǵan úilesimdi ári teńgerimdi til saiasatyn júrgizý máseleleri qarastyryldy.
Otyrys barysynda ǵylym jáne joǵary bilim ministri Saiasat Nurbek Til saiasatyn damytýdyń 2023-2029 jyldarǵa arnalǵan tujyrymdamasynyń iske asyrylý barysy jáne memleket basshysynyń tapsyrmasyna orai memlekettik tilde jasandy intellektini qoldanysqa engizý, qazaq tilin ǵylym tili retinde damytý, tilge qatysty zamanaýi IT-jobalardy ázirleý baǵytynda atqarylǵan jumystar týraly baiandady.
Sondai-aq ádilet ministri Azamat Esqaraevtyń memlekettik tilde zań ázirleý máselesi, Halyqaralyq "Qazaq tili" qoǵamynyń qyzmeti týraly qoǵamdyq birlestiktiń prezidenti Raýan Kenjehanulynyń baiandamalary tyńdaldy.
Otyrys qorytyndysy boiynsha komissiianyń 2024 jylǵa arnalǵan jumys jospary bekitildi.
