Memleket basshysy Qasym-Jomart Toqaev Atyraýda munai-gaz salasyn damytý máselelerine arnalǵan keńes ótkizýde, dep habarlaidy "Ult aqparat" Aqorda baspasóz qyzmetiniń Twitter paraqshasyna silteme jasap.
«Munai-gaz kompaniialarynyń áleýmettik aýdarymdarynyń arqasynda myńdaǵan azamattarymyzǵa, ásirese aýyldyq jerlerdiń turǵyndary úshin zamanaýi mektepter, aýrýhanalar, sport ortalyqtary, basqa infraqurylym nysandary salyndy. Degenmen, biz bir orynda toqtap qalmaýymyz kerek», - deidi Prezident.
Onyń aitýynsha, óndiris deńgeiin júieli negizde arttyrýymyz qajet.
«Osyǵan bailanysty men Úkimetke Konsortsiýmnyń merdiger kompaniialarymen birlesip, Qashaǵan ken ornyn tolyqqandy igerýdiń Jol kartasyn qysqa merzim ishinde kelisýdi tapsyramyn», - dedi Memleket basshysy.
«Ádildik indeksi» aiasynda týyndaǵan máseleler boiynsha ortaq kelisimge kelý qajet. Qazaqstanda sheteldik investorlar úshin qolaily jaǵdai jasalyp otyr. Sondyqtan Úkimet túsetin tabysty tolyq kólemde alý jaǵynan Qazaqstannyń múddesin qorǵai bilýi tiis», - dep atap ótti Qasym-Jomart Toqaev.
