مەملەكەت باسشىسى قاسىم-جومارت توقاەۆ اتىراۋدا مۇناي-گاز سالاسىن دامىتۋ مەسەلەلەرٸنە ارنالعان كەڭەس ٶتكٸزۋدە, دەپ حابارلايدى "ۇلت اقپارات" اقوردا باسپاسٶز قىزمەتٸنٸڭ Twitter پاراقشاسىنا سٸلتەمە جاساپ.
«مۇناي-گاز كومپانييالارىنىڭ ەلەۋمەتتٸك اۋدارىمدارىنىڭ ارقاسىندا مىڭداعان ازاماتتارىمىزعا, ەسٸرەسە اۋىلدىق جەرلەردٸڭ تۇرعىندارى ٷشٸن زاماناۋي مەكتەپتەر, اۋرۋحانالار, سپورت ورتالىقتارى, باسقا ينفراقۇرىلىم نىساندارى سالىندى. دەگەنمەن, بٸز بٸر ورىندا توقتاپ قالماۋىمىز كەرەك», - دەيدٸ پرەزيدەنت.
ونىڭ ايتۋىنشا, ٶندٸرٸس دەڭگەيٸن جٷيەلٸ نەگٸزدە ارتتىرۋىمىز قاجەت.
«وسىعان بايلانىستى مەن ٷكٸمەتكە كونسورتسيۋمنىڭ مەردٸگەر كومپانييالارىمەن بٸرلەسٸپ, قاشاعان كەن ورنىن تولىققاندى يگەرۋدٸڭ جول كارتاسىن قىسقا مەرزٸم ٸشٸندە كەلٸسۋدٸ تاپسىرامىن», - دەدٸ مەملەكەت باسشىسى.
«ەدٸلدٸك يندەكسٸ» اياسىندا تۋىنداعان مەسەلەلەر بويىنشا ورتاق كەلٸسٸمگە كەلۋ قاجەت. قازاقستاندا شەتەلدٸك ينۆەستورلار ٷشٸن قولايلى جاعداي جاسالىپ وتىر. سوندىقتان ٷكٸمەت تٷسەتٸن تابىستى تولىق كٶلەمدە الۋ جاعىنان قازاقستاننىڭ مٷددەسٸن قورعاي بٸلۋٸ تيٸس», - دەپ اتاپ ٶتتٸ قاسىم-جومارت توقاەۆ.
