Foto: QR TJM baspasóz qyzmeti
Orman órt sóndirý stansalarynyń qyzmetkerleri órtke qarsy kiimmen qamtamasyz etiledi, dep habarlaidy "Ult aqparat" primeminister.kz saityna silteme jasap.
"QR Úkimeti orman órt sóndirý stansalarynyń qyzmetkerlerin tótenshe jaǵdailar kezinde qosymsha qorǵanyspen qamtamasyz etý boiynsha sharalar qabyldap jatyr. Tiisti qaýlyǵa Premer-Ministr Álihan Smaiylov qol qoidy" - delingen habarlamada.
Qujatqa sáikes, Úkimet rezervinen tabiǵatty qorǵaý jáne orman mekemeleriniń orman órt sóndirý stansalarynyń qyzmetkerlerine órtke qarsy kiim satyp alýǵa 918 mln teńge kóleminde qarajat bólinedi. Bul 30 tabiǵatty qorǵaý jáne 16 orman mekemesiniń qyzmetkerlerin mehanikalyq jaraqattanýdan, gipotermiianyń, agressivti suiyq quramdardyń, joǵary temperatýranyń áserinen qorǵaýǵa, jumysshylardyń bastaryn soqqydan saqtaýǵa, sondai-aq basqa mehanikalyq áserlerden qosymsha qorǵaý úshin órtke qarsy kiimmen jabdyqtaýǵa múmkindik beredi dep kózdelip otyr.
