QR Premer-Ministri Asqar Maminniń tóraǵalyǵymen ótken Úkimet otyrysynda biylǵy 24 qańtarda ótken Úkimettiń keńeitilgen otyrysynda QR Prezidenti Qasym-Jomart Toqaevtyń bergen tapsyrmalaryn oryndaý jónindegi sharalar qaraldy, – dep habarlaidy primeminister.kz.
Ulttyq ekonomika ministri R. Dálenov, Ulttyq bank tóraǵasy E. Dosaev, Qarjy naryǵyn retteý jáne damytý agenttiginiń tóraǵasy M. Ábilqasymova, Premer-Ministrdiń birinshi orynbasary – qarjy ministri Á. Smaiylov, sondai-aq Premer-Ministrdiń orynbasarlary R. Skliar men B. Saparbaev baiandama jasady.
Memleket basshysynyń tapsyrmalaryn iske asyrý jónindegi Úkimet sharalarynyń kesheni osy jyldyń sońyna deiin memlekettik apparat qurylymyn ońtailandyrýdy, básekelestikti qorǵaý jónindegi jumysty kúsheitýdi, «Tehnikalyq retteý týraly» zań jobasyn daiyndaýdy, sertifikattaýdyń ulttyq júiesin damytýdy, osy jyldyń birinshi jartysynda salyq júiesin reformalaýdy, 2025 jylǵa deiin saýda saiasatynyń baǵdarlamasyn ázirleýdi, biyl biznestiń biryńǵai aqparattyq serviske qol jetkizýin qamtamasyz etýdi jáne t. b. qamtidy.
«Prezident Qasym-Jomart Kemeluly Toqaev Elbasy Nursultan Ábishuly Nazarbaevtyń qazaqstandyqtardyń naqty tabysy men turmys sapasyn arttyrý jónindegi strategiialyq maqsattaryna qol jetkizýge baǵyttalǵan birqatar naqty tapsyrmalar berdi», — dedi A. Mamin.
Premer-Ministr investitsiialardy belsendi túrde tartý, ekonomikanyń shikizattyq emes sektorlaryn, shaǵyn jáne orta biznesti damytý, sondai-aq jańa jumys oryndaryn qurý Úkimettiń árbir múshesi men ákimderdiń negizgi basymdyqtaryna ainalýy tiis ekenin atap ótti.
«Ulttyq ekonomika ministrligi Memleket basshysynyń tapsyrmalaryn iske asyrý boiynsha sharalar keshenin usyndy. Jaýaptylar men oryndalý merzimderi anyqtaldy. Endi úilesimdi jumysty uiymdastyrý qajet. Prezidenttiń alǵa qoiǵan barlyq mindetteri naqty oryndalýy tiis. Memlekettik organdardyń birinshi basshylary derbes jaýap beredi», — dedi A. Mamin.
QR Prezidentiniń ónimsiz biýdjet shyǵystaryn qysqartý jónindegi tapsyrmasyn oryndaý aiasynda Úkimet basshysy ministrlerge, óńirlerdiń ákimderine jáne ulttyq kompaniialardyń basshylaryna bir apta merzim ishinde Qarjy ministrligine tiisti usynystar engizýdi tapsyrdy.
«Qarjy ministrligi 2 aptadan keiin Úkimet otyrysynda ónimsiz biýdjet shyǵystaryn qysqartý boiynsha ázirlengen tásilder týraly baiandasyn», — dedi A. Mamin.
