QR Premer-Ministri Asqar Maminniń tóraǵalyǵymen ótken QR Úkimetiniń selektorlyq otyrysynda Dúniejúzilik banktiń «Doing Business» reitingindegi jáne basqa da reitingterdegi Qazaqstannyń pozitsiialaryn jaqsartý sharalary talqylandy, dep habarlaidy "Ult aqparat".
Biznes ahýaldy jaqsartý boiynsha atqarylyp jatqan jumys týraly QR ulttyq ekonomika ministri R. Dálenov, qurylysqa ruqsat alý jáne kóliktik-logistikalyq infraqurylymdy damytý tártibin jeńildetý týraly QR indýstriia jáne infraqurylymdyq damý ministri R. Skliar, bilim berý salasyndaǵy halyqaralyq kórsetkishterdi jaqsartý týraly QR bilim jáne ǵylym ministri A. Aimaǵambetov, saýdadaǵy indikatorlardy arttyrý sharalary týraly QR saýda jáne integratsiia vitse-ministri A. Asqaruly baiandady.
Osy jylǵy sáýir aiynda Parlament jetinshi zańnamalyq túzetýlerdi qabyldady. Bul túzetýlerde qurylys salasynda «bir tereze» qaǵidatyn engizý, kelisim-sharttardy oryndaý máselesin ońtailandyrý, salyq salý salasynda reformalardy iske asyrý sharalary bar. Kásipkerler arasynda túsindirý boiynsha úlken jumys atqaryldy.
«Qazirgi kezde Qazaqstan biznes júrgizý jeńildigi boiynsha reitingte álemniń 190 eli arasynda 28 orynda. Jalpy, bul reiting biznesti júrgizý sharttaryn jeńildetýge baǵyttalǵan reformalardyń qanshalyqty tiimdi ekenin kórsetedi. Bul, árine, elimizdiń investitsiialyq tartymdylyǵyna yqpal etedi jáne jańa jobalar men óndiristerdi qurýǵa qatysty múmkindikterdi bilýge jol ashady», — dedi A. Mamin.
Úkimet basshysy Dúniejúzilik banktiń elimizdiń qalalary men óńirlerinde biznesti júrgizý jeńildigi reitinginiń qorytyndysy boiynsha Almaty qalasy men Mańǵystaý jáne Aqtóbe oblystary ákimderi (tiisinshe 1, 2 jáne 3-oryndar) tiimdi jumys jasaǵanyn atap ótti.
«Biz energetika, temir jol kóligi, AKT salalarynda jaqsy kórsetkishterge qol jetkizdik. Sonymen qatar, halyqaralyq saýda, densaýlyq saqtaý jáne qarjy sektoryndaǵy kórsetkishterdi jaqsartý boiynsha jumysty kúsheitý qajet», — dedi Premer-Ministr.
Úkimet basshysy QR Ulttyq ekonomika ministrligine múddeli memlekettik organdarmen birlesip, aǵymdaǵy jyldyń qazan aiynyń sońyna deiin biznesti júrgizý sharttaryn jaqsartý boiynsha segizinshi túzetýler toptamasyn Úkimetke usynýdy tapsyrdy. Bul toptama kásiporyndardy ashý jáne menshikti tirkeý, qurylysqa ruqsat alý jáne elektrmen jabdyqtaý júielerine qosý kezinde investorlar úshin mańyzdy biznes-protsesterdi jeńildetý reformalaryn kózdeidi.
Asqar Mamin, sondai-aq, Qazaqstannyń halyqaralyq reitingterdegi pozitsiiasyn odan ári jaqsartý úshin bir ai merzimde qolda bar is-sharalar josparlaryn ózektendirip, jańa is-sharalar josparyn qabyldaýdy, sondai-aq baǵdarlamalyq qujattarda osy reitingterde Qazaqstannyń ustanymyn jaqsartý jónindegi nysanaly indikatorlardy bekitý máselesin pysyqtaýdy tapsyrdy.
«Qalalar men oblystardyń ákimderi júrgizilip jatqan reformalardy iske asyrý jáne biznes júrgizýge, investitsiialar tartýǵa qolaily jaǵdailar jasaý, infraqurylymdy damytý boiynsha jumysty kúsheitýi qajet», — dedi Premer-Ministr.
Úkimet basshysy Qazaqstannyń halyqaralyq reitingterdegi orny máselesi Úkimettiń Jobalyq keńsesiniń turaqty baqylaýynda bolatynyn atap ótti.
