Qazaqstan Respýblikasynyń Úkimeti elimiz azamattary Armeniia Respýblikasynda tirkelgen kólikterin Qazaqstanǵa ákelip, paidalanýyna qatysty Qaýly qabyldady, dep habarlaidy "Ult aqparat" primeminister.kz saityna silteme jasap.
* * *
Qazaqstan Respýblikasy azamattarynyń Armeniia Respýblikasynda tirkelgen jekelegen kólik quraldaryn Qazaqstan Respýblikasyna ákelýi men paidalanýynyń keibir máseleleri týraly
Qazaqstan Respýblikasynyń Úkimeti QAÝLY ETEDI:
1. Qazaqstan Respýblikasynyń Ishki ister ministrligi 2020 jylǵy 1 qyrkúiekke deiin zańnamada belgilengen tártippen:
1) Qazaqstan Respýblikasy Salyq kodeksiniń 553-baby 4-tarmaǵynyń 1.1) tarmaqshasyna sáikes memlekettik tirkeý úshin alym men Qazaqstan Respýblikasy Salyq kodeksiniń 615-babyna sáikes memlekettik bajdar tólei otyryp, Armeniia Respýblikasynyń ýákiletti organdarynda Qazaqstan Respýblikasynyń azamattaryna tirkelgen jáne Qazaqstan Respýblikasyna 2020 jylǵy 1 aqpanǵa deiin ákelingen, júrgizý organdary sol jaqta ornalasqan kólik quraldaryn tirkeý;
2) osy qaýlynyń 1-tarmaǵynyń 1) tarmaqshasynda kórsetilgen kólik quraldaryn tirkeý kezinde beriletin memlekettik tirkeý nómiri belgileriniń tipin bekitý;
3) menshik iesi osy qaýlynyń 1-tarmaǵynyń 1) tarmaqshasynda kórsetilgen, tirkelgen kólik quraldaryn bastapqy tirkeý ne Qazaqstan Respýblikasynan tys jerlerge shyǵarý týraly sheshim qabyldaǵan jaǵdaida oǵan qatysty tirkeý is-áreketterin jasaýdy qamtamasyz etý boiynsha sharalar qabyldasyn.
2. Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministrligi kólik quralyn tirkeýdi júzege asyrý kezinde Armeniia Respýblikasynyń ýákiletti organdary bergen kólik quraldaryn tirkeý qujattarynyń túpnusqalaryn jáne memlekettik tirkeý nómiri belgilerin menshik ieleri suraǵanǵa deiin saqtaýdy jáne osy qaýlynyń 1-tarmaǵynyń 1) tarmaqshasynda kórsetilgen kólik quraldary Qazaqstan Respýblikasynan tys jerlerge shyǵarylǵan jaǵdaida olardy berýdi qamtamasyz etsin.
3. Qazaqstan Respýblikasy Qarjy, Indýstriia jáne infraqurylymdyq damý ministrlikteri osy qaýlynyń 1-tarmaǵynyń 1) tarmaqshasynda kórsetilgen, tirkelgen kólik quraldary menshik ieleriniń salyq mindettemelerin tóleý jáne mindetti tehnikalyq qarap-tekserýden ótý múmkindigin qamtamasyz etsin.
4. Qazaqstan Respýblikasy Aqparat jáne qoǵamdyq damý ministrligi múddeli memlekettik organdarmen birlesip, menshik iesi ony bastapqy tirkeý ne Qazaqstan Respýblikasynan tys jerlerge shyǵarý týraly sheshim qabyldaǵanǵa deiin osy qaýlynyń 1-tarmaǵynyń 1) tarmaqshasynda kórsetilgen, tirkelgen kólik quraldaryn paidalanýǵa shekteýlerdiń joq ekeni jóninde túsindirý jumysyn júrgizýdi qamtamasyz etsin.
5. Qazaqstan Respýblikasy Qarjy, Ekologiia, geologiia jáne tabiǵi resýrstar ministrlikteri múddeli memlekettik organdarmen birlesip, osy qaýlynyń 1-tarmaǵynyń 1) tarmaqshasynda kórsetilgen, tirkelgen kólik quralynyń menshik iesi ony bastapqy tirkeý týraly sheshim qabyldaǵanǵa deiin kedendik bajdardy, bastapqy tirkeý úshin alymdardy jáne óndirýshilerdiń (importtaýshylardyń) keńeitilgen mindettemeleri sheńberinde qaldyqtardy jinaýdy, tasymaldaýdy, qaita óńdeýdi, zalalsyzdandyrýdy, paidalanýdy jáne (nemese) kádege jaratýdy uiymdastyrý úshin tólemdi tóleý qajettiginiń joq ekeni jóninde túsindirý jumysyn júrgizýdi qamtamasyz etsin.
6. Qazaqstan Respýblikasy Qarjy jáne Ishki ister ministrlikteri Eýraziialyq ekonomikalyq odaqtyń quqyqtary men Qazaqstan Respýblikasynyń zańnamasyn buza otyryp, 2020 jylǵy 1 aqpannan keiin Qazaqstan Respýblikasyna Armeniia Respýblikasynan kólik quraldaryn ákelýdi júzege asyrǵan adamdarǵa qatysty zańnamada belgilengen sharalardy qabyldasyn.
7. Qazaqstan Respýblikasy Bas prokýratýrasy (kelisý boiynsha) jáne Ulttyq qaýipsizdik komiteti (kelisý boiynsha) 2021 jylǵy 1 jeltoqsanǵa deiin ishki ister organdarynyń basqa elderdiń ýákiletti organdarynda tirkelgen kólik quraldarymen Qazaqstan Respýblikasynyń Memlekettik shekarasyn kesip ótý týraly málimetterge, olardyń ieleri jáne olardy júrgizetin adamdar týraly derekterge qoljetimdiligin uiymdastyrý úshin «Ákimshilik is júrgizýdiń biryńǵai tizilimi» jáne «Búrkit» vedomstvolyq aqparattyq júielerin integratsiialaýdy qamtamasyz etsin.
8. Qazaqstan Respýblikasy Ishki ister, Qarjy, Indýstriia jáne infraqurylymdyq damý, Ekologiia, geologiia jáne tabiǵi resýrstar, Tsifrlyq damý, innovatsiialar jáne aeroǵarysh ónerkásibi ministrlikteri zańnamada belgilengen tártippen osy qaýlydan týyndaityn sharalardy qabyldasyn.
9. Osy qaýly alǵashqy resmi jariialanǵan kúninen bastap qoldanysqa engiziledi.
Qazaqstan Respýblikasynyń Premer-Ministri A. Mamin
