قازاقستان رەسپۋبليكاسىنىڭ ٷكٸمەتٸ ەلٸمٸز ازاماتتارى ارمەنييا رەسپۋبليكاسىندا تٸركەلگەن كٶلٸكتەرٸن قازاقستانعا ەكەلٸپ, پايدالانۋىنا قاتىستى قاۋلى قابىلدادى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
* * *
قازاقستان رەسپۋبليكاسى ازاماتتارىنىڭ ارمەنييا رەسپۋبليكاسىندا تٸركەلگەن جەكەلەگەن كٶلٸك قۇرالدارىن قازاقستان رەسپۋبليكاسىنا ەكەلۋٸ مەن پايدالانۋىنىڭ كەيبٸر مەسەلەلەرٸ تۋرالى
قازاقستان رەسپۋبليكاسىنىڭ ٷكٸمەتٸ قاۋلى ەتەدٸ:
1. قازاقستان رەسپۋبليكاسىنىڭ ٸشكٸ ٸستەر مينيسترلٸگٸ 2020 جىلعى 1 قىركٷيەككە دەيٸن زاڭنامادا بەلگٸلەنگەن تەرتٸپپەن:
1) قازاقستان رەسپۋبليكاسى سالىق كودەكسٸنٸڭ 553-بابى 4-تارماعىنىڭ 1.1) تارماقشاسىنا سەيكەس مەملەكەتتٸك تٸركەۋ ٷشٸن الىم مەن قازاقستان رەسپۋبليكاسى سالىق كودەكسٸنٸڭ 615-بابىنا سەيكەس مەملەكەتتٸك باجدار تٶلەي وتىرىپ, ارمەنييا رەسپۋبليكاسىنىڭ ۋەكٸلەتتٸ ورگاندارىندا قازاقستان رەسپۋبليكاسىنىڭ ازاماتتارىنا تٸركەلگەن جەنە قازاقستان رەسپۋبليكاسىنا 2020 جىلعى 1 اقپانعا دەيٸن ەكەلٸنگەن, جٷرگٸزۋ ورگاندارى سول جاقتا ورنالاسقان كٶلٸك قۇرالدارىن تٸركەۋ;
2) وسى قاۋلىنىڭ 1-تارماعىنىڭ 1) تارماقشاسىندا كٶرسەتٸلگەن كٶلٸك قۇرالدارىن تٸركەۋ كەزٸندە بەرٸلەتٸن مەملەكەتتٸك تٸركەۋ نٶمٸرٸ بەلگٸلەرٸنٸڭ تيپٸن بەكٸتۋ;
3) مەنشٸك يەسٸ وسى قاۋلىنىڭ 1-تارماعىنىڭ 1) تارماقشاسىندا كٶرسەتٸلگەن, تٸركەلگەن كٶلٸك قۇرالدارىن باستاپقى تٸركەۋ نە قازاقستان رەسپۋبليكاسىنان تىس جەرلەرگە شىعارۋ تۋرالى شەشٸم قابىلداعان جاعدايدا وعان قاتىستى تٸركەۋ ٸس-ەرەكەتتەرٸن جاساۋدى قامتاماسىز ەتۋ بويىنشا شارالار قابىلداسىن.
2. قازاقستان رەسپۋبليكاسىنىڭ تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ كٶلٸك قۇرالىن تٸركەۋدٸ جٷزەگە اسىرۋ كەزٸندە ارمەنييا رەسپۋبليكاسىنىڭ ۋەكٸلەتتٸ ورگاندارى بەرگەن كٶلٸك قۇرالدارىن تٸركەۋ قۇجاتتارىنىڭ تٷپنۇسقالارىن جەنە مەملەكەتتٸك تٸركەۋ نٶمٸرٸ بەلگٸلەرٸن مەنشٸك يەلەرٸ سۇراعانعا دەيٸن ساقتاۋدى جەنە وسى قاۋلىنىڭ 1-تارماعىنىڭ 1) تارماقشاسىندا كٶرسەتٸلگەن كٶلٸك قۇرالدارى قازاقستان رەسپۋبليكاسىنان تىس جەرلەرگە شىعارىلعان جاعدايدا ولاردى بەرۋدٸ قامتاماسىز ەتسٸن.
3. قازاقستان رەسپۋبليكاسى قارجى, يندۋسترييا جەنە ينفراقۇرىلىمدىق دامۋ مينيسترلٸكتەرٸ وسى قاۋلىنىڭ 1-تارماعىنىڭ 1) تارماقشاسىندا كٶرسەتٸلگەن, تٸركەلگەن كٶلٸك قۇرالدارى مەنشٸك يەلەرٸنٸڭ سالىق مٸندەتتەمەلەرٸن تٶلەۋ جەنە مٸندەتتٸ تەحنيكالىق قاراپ-تەكسەرۋدەن ٶتۋ مٷمكٸندٸگٸن قامتاماسىز ەتسٸن.
4. قازاقستان رەسپۋبليكاسى اقپارات جەنە قوعامدىق دامۋ مينيسترلٸگٸ مٷددەلٸ مەملەكەتتٸك ورگاندارمەن بٸرلەسٸپ, مەنشٸك يەسٸ ونى باستاپقى تٸركەۋ نە قازاقستان رەسپۋبليكاسىنان تىس جەرلەرگە شىعارۋ تۋرالى شەشٸم قابىلداعانعا دەيٸن وسى قاۋلىنىڭ 1-تارماعىنىڭ 1) تارماقشاسىندا كٶرسەتٸلگەن, تٸركەلگەن كٶلٸك قۇرالدارىن پايدالانۋعا شەكتەۋلەردٸڭ جوق ەكەنٸ جٶنٸندە تٷسٸندٸرۋ جۇمىسىن جٷرگٸزۋدٸ قامتاماسىز ەتسٸن.
5. قازاقستان رەسپۋبليكاسى قارجى, ەكولوگييا, گەولوگييا جەنە تابيعي رەسۋرستار مينيسترلٸكتەرٸ مٷددەلٸ مەملەكەتتٸك ورگاندارمەن بٸرلەسٸپ, وسى قاۋلىنىڭ 1-تارماعىنىڭ 1) تارماقشاسىندا كٶرسەتٸلگەن, تٸركەلگەن كٶلٸك قۇرالىنىڭ مەنشٸك يەسٸ ونى باستاپقى تٸركەۋ تۋرالى شەشٸم قابىلداعانعا دەيٸن كەدەندٸك باجداردى, باستاپقى تٸركەۋ ٷشٸن الىمداردى جەنە ٶندٸرۋشٸلەردٸڭ (يمپورتتاۋشىلاردىڭ) كەڭەيتٸلگەن مٸندەتتەمەلەرٸ شەڭبەرٸندە قالدىقتاردى جيناۋدى, تاسىمالداۋدى, قايتا ٶڭدەۋدٸ, زالالسىزداندىرۋدى, پايدالانۋدى جەنە (نەمەسە) كەدەگە جاراتۋدى ۇيىمداستىرۋ ٷشٸن تٶلەمدٸ تٶلەۋ قاجەتتٸگٸنٸڭ جوق ەكەنٸ جٶنٸندە تٷسٸندٸرۋ جۇمىسىن جٷرگٸزۋدٸ قامتاماسىز ەتسٸن.
6. قازاقستان رەسپۋبليكاسى قارجى جەنە ٸشكٸ ٸستەر مينيسترلٸكتەرٸ ەۋرازييالىق ەكونوميكالىق وداقتىڭ قۇقىقتارى مەن قازاقستان رەسپۋبليكاسىنىڭ زاڭناماسىن بۇزا وتىرىپ, 2020 جىلعى 1 اقپاننان كەيٸن قازاقستان رەسپۋبليكاسىنا ارمەنييا رەسپۋبليكاسىنان كٶلٸك قۇرالدارىن ەكەلۋدٸ جٷزەگە اسىرعان ادامدارعا قاتىستى زاڭنامادا بەلگٸلەنگەن شارالاردى قابىلداسىن.
7. قازاقستان رەسپۋبليكاسى باس پروكۋراتۋراسى (كەلٸسۋ بويىنشا) جەنە ۇلتتىق قاۋٸپسٸزدٸك كوميتەتٸ (كەلٸسۋ بويىنشا) 2021 جىلعى 1 جەلتوقسانعا دەيٸن ٸشكٸ ٸستەر ورگاندارىنىڭ باسقا ەلدەردٸڭ ۋەكٸلەتتٸ ورگاندارىندا تٸركەلگەن كٶلٸك قۇرالدارىمەن قازاقستان رەسپۋبليكاسىنىڭ مەملەكەتتٸك شەكاراسىن كەسٸپ ٶتۋ تۋرالى مەلٸمەتتەرگە, ولاردىڭ يەلەرٸ جەنە ولاردى جٷرگٸزەتٸن ادامدار تۋرالى دەرەكتەرگە قولجەتٸمدٸلٸگٸن ۇيىمداستىرۋ ٷشٸن «ەكٸمشٸلٸك ٸس جٷرگٸزۋدٸڭ بٸرىڭعاي تٸزٸلٸمٸ» جەنە «بٷركٸت» ۆەدومستۆولىق اقپاراتتىق جٷيەلەرٸن ينتەگراتسييالاۋدى قامتاماسىز ەتسٸن.
8. قازاقستان رەسپۋبليكاسى ٸشكٸ ٸستەر, قارجى, يندۋسترييا جەنە ينفراقۇرىلىمدىق دامۋ, ەكولوگييا, گەولوگييا جەنە تابيعي رەسۋرستار, تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸكتەرٸ زاڭنامادا بەلگٸلەنگەن تەرتٸپپەن وسى قاۋلىدان تۋىندايتىن شارالاردى قابىلداسىن.
9. وسى قاۋلى العاشقى رەسمي جارييالانعان كٷنٸنەن باستاپ قولدانىسقا ەنگٸزٸلەدٸ.
قازاقستان رەسپۋبليكاسىنىڭ پرەمەر-مينيسترٸ ا. مامين
