Foto: Aqorda
Úkimet Prezident Qasym-Jomart Toqaevtyń tapsyrmasyna sáikes «Qazaqstan balalary» ulttyq baǵdarlamasyn bekitti, dep habarlaidy Ult.kz.
Baǵdarlama balalardyń quqyqtaryn qorǵaýdy júielep, vedomstvoaralyq ózara is-qimyldy kúsheitýge baǵyttalǵan. 2026–2030 jyldarǵa arnalǵan is-qimyl jospary 158 naqty sharany qamtidy.
Qujatta balalardyń qaýipsizdigi, quqyqtyq qorǵalýy, densaýlyǵy, infraqurylymdy damytý jáne onlain qaýipsizdik máseleleri qarastyrylǵan.
TÚITKILDI MÁSELELER:
• «Sońǵy jyldary balalardyń sapaly meditsinalyq kómek alý múmkindigi aitarlyqtai jaqsardy. Alaida, mamandardyń, dárilik zattardyń jetispeýshiligine, balalardy ońaltý máseleleri boiynsha túsip jatqan shaǵymdar az emes.
• Erekshe bilim berý qajettilikteri bar balalardy qoldaýdyń birqatar jańa tetikteri engizildi. Biraq ony tiimdi iske asyrý úshin tiisti jaǵdailar men arnaiy mamandar – defektolog, logoped, sýrdologter qajet.
• Balalardyń, sonyń ishinde olardyń tsifrlyq keńistiktegi qaýipsizdigin qamtamasyz etý máseleleri áli de ózekti.
• Kóptegen aýyl balalary úiirmeler men zamanaýi bilim berý tehnologiialarynan tys qalady. Jasóspirimderge tiisti kóńil bólinbeidi ári olar ózin damytý úshin tyń múmkindikterden airylyp otyr.
“Bul baǵytta júieli túrde jumys júrgizip, Oqý-aǵartý, Densaýlyq saqtaý, Eńbek jáne áleýmettik qorǵaý, Ishki ister ministrlikteri men óńir ákimdikteri arasyndaǵy vedomstvoaralyq úilestirýdi kúsheitý qajet.
Tujyrymdamada kózdelgen nysanaly indikatorlar balalardy damytýdyń, qoldaý men qorǵaýdyń ornyqty júiesin qalyptastyrýy tiis”, — dep atap ótti Oljas Bektenov.
