QR Premer-Ministri Asqar Mamin eń tómengi jalaqyny kóterýge qatysty Úkimet josparymen bólisti, dep habarlaidy QazAqparat.
«QR Úkimeti halyqtyń ál-aýqatyn jaqsartý jáne tabystarynyń artýyn qamtamasyz etý jumystaryn turaqty negizde júrgizedi. Halyqtyń shynaiy tabysynyń deńgeiin odan ary arttyrý maqsatynda eń tómengi jalaqyny kóterýdiń birneshe nusqasy qarastyrylyp jatyr. Birinshisi – eń tómengi jalaqyny infliatsiia deńgeiinde kóterý. Ekinshisi – eń tómengi jalaqyny ortasha ailyq jalaqynyń 30 paiyzy mólsherinde bekitý. Úshinshisi – eń tómengi jalaqyny meditsinalyq jalaqymen bailanystyrý múmkindigi», - dedi Májilis depýtattarynyń saýalyna jaýap bergen Asqar Mamin.
Onyń atap ótýinshe, atalǵan nusqalar respýblikalyq biýdjetten qosymsha shyǵystardy qajet etedi.
«Degenmen, biyl Úkimet, respýblikalyq jumysshylar birlestikteri jáne respýblialyq jumys berýshiler birlestigi arasyndaǵy 2021-2023 jyldarǵa arnalǵan jańa bas kelisimdi júzege asyrý bastalady. Ony júzege asyrý aiasynda eń tómengi jalaqyny bekitý ádistemesi ázirlenetin bolady. Eń tómengi kúnkóris shegin anyqtaý tártibi QR-nyń «Eń tómengi áleýmettik standarttar jáne olardyń kepilderi týraly» Zańmen jáne eń tómengi kúnkóris shegin esepteý erejesimen reglamentteledi. Jalpy respýblika, oblystar, astana, respýblikalyq mańyzy bar qalalar jáne oblystyq máni bar qalalar boiynsha eń tómengi kúnkóris shegi ortasha eseppen jan basyna shaqqanda jáne negizgi jynystyq-jas toptary boiynsha statistika organdarymen eseptelinedi», - dedi Úkimet basshysy.
