Premer-Ministr Asqar Mamin jumys saparymen Aqtóbe oblysyna keldi, dep habarlaidy "Ult aqparat".
Úkimet basshysy aldymen «Nur Aqtóbe» turǵyn úi keshenindegi qurylys jumystarymen tanysty. Munda 27 kópqabatty úi salynyp jatyr. Jospar boiynsha biyl oblysta 1 million sharshy metr turǵyn úi paidalanýǵa beriledi.
«Jyl sońyna deiin 1400-den astam páter «Nurly jer» baǵdarlamasymen beriledi. Al «Baqytty otbasy» baǵdarlamasy aiasynda qaladaǵy kópbalaly otbasyǵa 40 sertifikat úlestirildi. Bul - alǵashqy jarna bolady», - dedi qala ákiminiń orynbasary Ushqyn Myńbaev.
Qala ákimi Mavr Abdýllinniń aitýynsha, biyl bes myń páter qoldanysqa beriledi. Onyń ishinde 30 kópqabatty úi - memlekettik, 31-i - kommertsiialyq.
«Eń qiyny - jer kezegi. Qazir qala boiynsha 140 myń adam jer alýǵa ótinish bergen. Barlyǵy 393 baý-baqsha ujymy bar. Onyń 40-na jer telimi statýsy berilip jatyr. Endi infraqurylymyn jańartý qajet. Sý, gaz kerek. Olarǵa 6,2 milliard teńge qarjy suraimyz. 18 myń jer telimine 8 jobalyq-smetalyq qujat jasaldy. Memleket basshysynyń qoldaýymen bastalǵan «Baqytty otbasy» baǵdarlamasy boiynsha 1090 ótinish tústi. Onyń 471-i «Turǵyn úi qurylys jinaq banki» arqyly tólem qabiletin rastady. Buǵan 2 milliard teńge aqsha bólinip, igerildi. Taǵy 555 otbasyna qarjy suraldy. Ony qyrkúiekte igerip, taǵy aqsha suraǵymyz keledi», - dedi Mavr Abdýllin.
Aita keteiik, qala boiynsha kezekte 24 myń adam páter kezeginde tur. Úkimet basshysy baspanamen qamtamasyz etý máselelerinen habardar bolǵan soń, qurylys jumystarymen tanysty.
