QR Premer-Ministri Asqar Mamin respýblikalyq biýdjetti naqtylaý jónindegi jańa qaýlyǵa qol qoidy, dep habarlaidy primeminister.kz. "Ult aqparat" qaýlynyń tolyq mátinin jariialaidy.
Qazaqstan Respýblikasy Úkimetiniń 2020 jylǵy 28 naýryzdaǵy №154 Qaýlysy
«Ekonomikany turaqtandyrý jónindegi odan arǵy sharalar týraly» Qazaqstan Respýblikasy Prezidentiniń 2020 jylǵy 16 naýryzdaǵy № 287 Jarlyǵyn iske asyrý jónindegi sharalar týraly» Qazaqstan Respýblikasy Úkimetiniń 2020 jylǵy 20 naýryzdaǵy № 126 qaýlysyna ózgeris pen tolyqtyrýlar engizý týraly
Qazaqstan Respýblikasynyń Úkimeti QAÝLY ETEDI:
1. «Ekonomikany turaqtandyrý jónindegi odan arǵy sharalar týraly» Qazaqstan Respýblikasy Prezidentiniń 2020 jylǵy 16 naýryzdaǵy № 287 Jarlyǵyn iske asyrý jónindegi sharalar týraly» Qazaqstan Respýblikasy Úkimetiniń
2020 jylǵy 20 naýryzdaǵy № 126 qaýlysyna (2020 jylǵy 21 naýryzda № 56 «Egemen Qazaqstan» gazetinde jariialanǵan) mynadai ózgeris pen tolyqtyrýlar engizilsin:
kórsetilgen qaýlymen bekitilgen respýblikalyq biýdjetti qalyptastyrýdyń, naqtylaýdyń jáne atqarýdyń erekshe tártibinde:
4-tarmaq mynadai redaktsiiada jazylsyn:
«4. Osy erekshe tártiptiń erejelerin qoldaný arqyly respýblikalyq biýdjetti qalyptastyrý, naqtylaý jáne atqarý daǵdarysty jaǵdailar kezeńinde júrgiziledi.
Biýdjettik investitsiialar jáne biýdjettik kreditter tásilimen qarjylandyrylatyn jobalar, onyń ishinde kvazimemlekettik sektor sýbektileri boiynsha respýblikalyq biýdjetti naqtylaý kezinde tiisti saraptamalar júrgizilmeidi jáne biýdjettik baǵdarlamalar ákimshileriniń biýdjettik ótinimderi negizinde naqtylanǵan respýblikalyq biýdjet jobasyna engiziledi.
Qurylys qyzmetin kózdeitin biýdjettik investitsiialyq jobalardyń, onyń ishinde sý qaýipsizdigi obektileriniń shyǵystary sáýlet, qala qurylysy jáne qurylys qyzmeti týraly Qazaqstan Respýblikasynyń zańnamasyna sáikes irilendirilgen smetalyq normalar men baǵalar jinaqtary negizinde josparlanady.
Biýdjettik baǵdarlamalar ákimshisiniń basshysy jáne biýdjettik investitsiialar ne biýdjettik kredit alatyn kvazimemlekettik sektor sýbektisiniń basshysy áleýmettik-ekonomikalyq ornyqtylyqty qamtamasyz etý sharalaryn qabyldaýǵa baǵyttalǵan aktivter boiynsha jobalarda áleýmettik-ekonomikalyq áser beretin jáne daǵdarysty jaǵdailar turaqtanǵannan keiin otandyq biznesti (onyń ishinde eksportty) qoldaýdy, turaqty jumys oryndaryn saqtaýdy (qurýdy) kózdeýge tiis.
Bul rette respýblikalyq biýdjettik baǵdarlamalardyń ákimshileri biýdjettik josparlaý jónindegi ortalyq ýákiletti organǵa is-sharalardy qarjylandyrý jónindegi biýdjettik ótinimderdi engizedi.»;
6-tarmaq mynadai mazmundaǵy ekinshi bólikpen tolyqtyrylsyn:
«Negizdeýshi qujattar bolmaǵan jaǵdaida biýdjettik baǵdarlamalar ákimshileriniń esep-qisaptary biýdjettik ótinimge biýdjettik investitsiialar jáne biýdjettik kreditter arqyly qarjylandyrylatyn, onyń ishinde kvazimemlekettik sektor sýbektileriniń jobalaryn engizý úshin negiz bolyp tabylady.»;
mynadai mazmundaǵy 14, 15, 16, 17 jáne 18-tarmaqtarmen tolyqtyrylsyn:
«14. Oblystardyń, respýblikalyq mańyzy bar qalalardyń, astananyń jergilikti atqarýshy organdarynyń qaryz alýy respýblikalyq biýdjetten biýdjettik kreditter alý jáne respýblikalyq mańyzy bar qalalardyń, astananyń jergilikti atqarýshy organdarynyń respýblikalyq mańyzy bar qala, astana biýdjetiniń tapshylyǵyn qarjylandyrý úshin ishki naryqta ainalysqa jiberýge memlekettik baǵaly qaǵazdar shyǵarýy túrinde, sondai-aq oblystardyń, respýblikalyq mańyzy bar qalalardyń, astananyń jergilikti atqarýshy organdarynyń memlekettik baǵdarlamalardy iske asyrý sheńberinde turǵyn úi qurylysyn qarjylandyrý úshin, Jumyspen qamtý jol kartasynyń sheńberindegi sharalardy qarjylandyrý úshin ishki naryqta ainalysqa jiberýge memlekettik baǵaly qaǵazdar shyǵarýy túrinde júzege asyrylady.
15. Jumyspen qamtý jol kartasynyń tótenshe jaǵdai qoldanylatyn kezeńde aiqyndalǵan is-sharalaryn qarjylandyrý úshin oblystardyń, respýblikalyq mańyzy bar qalalardyń, astananyń jergilikti atqarýshy organdarynyń qaryz alýy respýblikalyq biýdjetten biýdjettik kreditter alý jáne jergilikti atqarýshy organdardyń borysh limitin belgilemei, ishki naryqta ainalysqa jiberý úshin memlekettik baǵaly qaǵazdar shyǵarý túrinde júzege asyrylady.
Jumyspen qamtý jol kartasynyń tótenshe jaǵdai qoldanylatyn kezeńde aiqyndalǵan is-sharalaryn qarjylandyrý úshin oblystyń, respýblikalyq mańyzy bar qalanyń, astananyń jergilikti atqarýshy organynyń memlekettik baǵaly qaǵazdar shyǵarýynyń sharttaryn, kólemin jáne nysanaly maqsatyn jergilikti atqarýshy organdar derbes aiqyndaidy.
16. Qazaqstan Respýblikasynyń Prezidenti tótenshe nemese soǵys jaǵdaiyn engizgen kezde jergilikti atqarýshy organdar qajet bolǵan jaǵdaida rezervtiń jalpy kólemin transfertter men qaryzdardy esepke almai, tiisti jergilikti biýdjet túsimderi kóleminiń on protsentine deiin ulǵaitýy múmkin.
Jergilikti atqarýshy organdar rezerviniń biýdjettik baǵdarlamasyna jergilikti biýdjet qarajatyn bekitilgen (naqtylanǵan) biýdjet boiynsha aǵymdaǵy qarjy jylyna biýdjettik baǵdarlamalar ákimshisine bólingen jalpy kólemniń on protsentinen aspaityn kólemde qaita bólý jergilikti atqarýshy organdardyń qaýlysymen bekitilgen biýdjettik baǵdarlamalardyń tizbesi men kólemine sáikes biýdjet shyǵystarynyń qurylymyn ózgertpei, biýdjetti túzetý arqyly júzege asyrylady.
17. Ótken qarjy jylynda Qazaqstan Respýblikasynyń Ulttyq qorynan respýblikalyq biýdjetke tartylǵan paidalanylmaǵan qarajat qaitarýǵa jatpaidy jáne tótenshe jaǵdai kezinde biýdjetti naqtylaý arqyly paidalanylýy múmkin.
18. Tótenshe jaǵdai engizilgen kezde jalpy sipattaǵy transfertterdiń kólemi qandai da bir óńirdiń ózindik ereksheligine bailanysty nysanaly trasfertterdi tómengi biýdjetten joǵarǵy biýdjetke qaitarý arqyly qaita qaralýy múmkin.».
2. Osy qaýly qol qoiylǵan kúninen bastap qoldanysqa engiziledi jáne resmi jariialanýǵa tiis.
Qazaqstan Respýblikasynyń Premer-Ministri A. Mamin
