Úkimet 2022 jyly 26 zań jobasyn ázirleidi. Bul týraly búgin Úkimet otyrysynda QR Ádilet ministri Marat Beketaev aitty, dep habarlaidy QazAqparat.
Ádilet ministrligi Zań jobalaý qyzmeti máseleleri jónindegi vedomstvoaralyq komissiia múshelerimen 2022 jylǵa arnalǵan jospar jobasyn ázirledi. Bastapqyda jospar jobasynda Parlamentke 31 zań jobasyn ázirleý jáne engizý qarastyrylǵan bolatyn. Biyl 10 qarashada jospar jobasyn tanystyrý barysynda josparlanǵan zań jobalarynyń negizgi erejeleri, sondai-aq olardy ázirleý negizderi baiandaldy. Sizderdiń nazarlaryńyzǵa usynylyp otyrǵan jospar jobasy Prezident Ákimshiliginiń eskertýlerimen pysyqtaldy», - dedi Marat Beketaev.
Ministrdiń atap ótýinshe, zań jobalaryn Parlamentke engizý merzimderi qaita qaraldy. Sondai-aq tujyrymdamalary tiisti talqylaýdy talap etetin birqatar bastama alynyp tastaldy. Qalǵan bóliginde jospar jobasy ózgertilgen joq.
«Baiandalǵandy eskere otyryp, pysyqtalǵan jospar jobasy 26 zań jobasyn ázirleýdi kózdeidi. Birinshi jartyjyldyqta – 7 zań jobasy, ekinshi jartyjyldyqta – 19 zań jobasy», - dedi ol.
