Ankara koronavirýstyń jańa shtamdarynyń aldyn alý maqsatynda birqatar elmen áýe qatynasyn toqtatady. Bul týraly "Ult aqparat" QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanalyna silteme jasap.
Túrkiia 1 shildeden bastap Bangladesh, Braziliia, Nepal, Úndistan, Shri-Lanka jáne Ońtústik Afrika Respýblikasy siiaqty alty memleketpen áýe qatynasyn belgisiz merzimge deiin toqtatpaq.
«Bul elderden Túrkiiaǵa tikelei reisterge tyiym salynady. Sońǵy 14 kún ishinde Bangladesh, Braziliia, Nepal, Úndistan, Shri-Lanka jáne Ońtústik Afrikada bolǵan Túrkiiaǵa kelýshiler respýblikaǵa kirerden 72 saǵat buryn jasalǵan PTR testiniń teris nátijesi kórsetilgen anyqtamany usynýy kerek. Osydan keiin olar 14 kúndik karantinge jiberiledi», - delingen eldiń IIM taratqan habarlamada.
Ulybritaniiada koronavirýs infektsiiasynyń «delta» dep atalatyn nusqasynyń taralýyna bailanysty ÝEFA Londonda Eýropa chempionatynyń finaldyq matchtaryn ótkizý týraly sheshimdi qaita qaraýy tiis. Bul týraly Eýrokomissiianyń vitse-tóraǵasy Margaritis Shinas málimdedi.
Shinastyń pikirinshe, 6 jáne 7 shildede jartylai final oiyndaryn, al 11 shildede finaldyq oiyndy Londonnyń Ýembli stadionynda ótkizýdiń esh máni joq. Sońǵy táýlikte Ulybritaniiada koronavirýstyq infektsiiany juqtyrýdyń rekordtyq kórsetkishi tirkeldi. Indetke bir táýlik ishinde shaldyqqan adamdardyń sany 23 myńnan asty.
Koronavirýs infektsiiasy jastar arasynda joǵary qarqynmen taralýda. Qazirgi tańda Sankt-Peterbýrgte COVID-19-dy juqtyrǵan 20 jáne 40 jas aralyǵyndaǵy patsientterdiń úlesi pandemiianyń birinshi jáne ekinshi tolqyny kezindegige qaraǵanda áldeqaida joǵary, dep málimdedi qalalyq densaýlyq saqtaý komitetiniń tóraǵasy Dmitrii Lisovets.
«Jasandy tynys alý apparatynda jatqan jas jáne orta jastaǵy patsientter sanynyń edáýir artqanyn baiqap otyrmyz. Ókinishke orai, aýrýdyń ólimge ákeletin jaǵdailary da jii kezdesedi», - dedi ol.
Grekiia biligi koronavirýsqa qarsy ekpeni saldyrǵan jastarǵa 150 evrosy bar tólem kartasyn usynady. Usynys 18-den 25 jasqa deiingi 940 myń jas adamǵa eseptelgen. Bul maqsatqa el úkimeti 141 mln eýroǵa deiin qarajat bólýdi josparlap otyr. Atalmysh aktsiianyń maqsaty – shilde aiynyń sońyna qarai halyqtyń 60%-yn tolyq vaktsinamen qamtamasyz etý. Grekiia halqynyń jalpy sany 11 million adamdy quraidy.
Afrikanyń soltústiginde koronavirýs infektsiiasynyń pandemiiasyna qatysty jaǵdai kúrt nasharlaýda. Týniste jasalǵan árbir úshinshi test oń nátijeni kórsetip otyr. Eldiń densaýlyq saqtaý ministrliginiń málimetinshe, memlekette alǵash ret Úndistanda paida bolǵan virýstyń «delta» shtamynyń 20-ǵa jýyq jaǵdaiy tirkelgen.
