Testileý nátijeleri UBT aiaqtalǵannan keiin birden qoljetimdi bolady. Bul týraly QR BǴM joǵary jáne joǵary oqý ornynan keiingi bilim departamentiniń direktory Ádilet Toibaev aitty, dep habarlaidy "Ult aqparat".
«Taǵy bir artyqshylyǵyna toqtalsaq, test nátijesi jumys kúniniń sońynda emes, testileý naqty aiaqtalǵannan keiin birden sol jerde qoljetimdi bolady. UBT nátijelerimen kelispegen jaǵdaida talapker apelliatsiiaǵa sol kúni, iaǵni 30 minýt ishinde ótinish berýge quqyly», - dedi Toibaev Ortalyq kommýnikatsiialar qyzmetinde.
Bilim ministrliginiń málimetinshe, elektrondy UBT nátijelerin óńdeý barysynda paraqtaǵy ishinara boialǵan jaýaptardyń eseptelmei qalýy siiaqty tehnikalyq qatelerdiń bolýy múmkin emes. Testileýdiń bul formatynda oqýshylar jaýap paraǵyn toltyrýǵa ýaqyt jumsamai, ony test tapsyrmalaryn oryndaýǵa paidalana alady.
Kompiýterlik testileýdiń taǵy bir artyqshylyǵy – UBT nátijelerin testileý aiaqtalǵannan keiin birden bilýge bolady. Testileý qorytyndysy boiynsha jinalǵan upai sany ekranǵa shyǵarylady. Sondai-aq UBT qatysýshysy qandai suraqtarǵa qate jaýap bergenin birden kóre alady.
