Oqýshylardyń bilimin tolyqtyrý jáne olqylyqtardy joiý boiynsha joǵary oqý oryndary, kolledjdermen yntymaqtastyq týraly keshendi jospar ázirlendi. Bul týraly elorda ákimdiginiń baspasóz ortalyǵynda ótken onlain brifingide aityldy, dep habarlaidy QazAqparat.
«Kóptegen ata-anany mektepti bitirýshi synyp oqýshylaryn qorytyndy attestatsiialaýǵa, UBT-ǵa daiyndaý máselesi tolǵandyrady. Osyǵan bailanysty mektepterde sabaqtan tys ýaqytta 15 baladan aspaityn toptarda oqýshylardy jeke oqytý uiymdastyrylyǵan. Sonymen qatar, bilim alýshylardyń bilimin tolyqtyrý jáne olqylyqtardy joiý boiynsha joǵary oqý oryndary, kolledjdermen yntymaqtastyq týraly keshendi jospar ázirlendi», - deidi Nur-Sultan qalasy bilim basqarmasy basshysynyń orynbasary Rimma Imangazinova.
Onyń aitýynsha, Eýraziia ulttyq ýniversiteti, Qazaq agrotehnikalyq ýniversiteti bazasynda onlain platforma jumys isteidi.
Onda oqýshylar matematika, himiia, fizika pánderi boiynsha qosymsha sabaq ala alady.
