ANTIKOR ORTALYGY alańynda Antikor.Live jobasy barysynda QR Sybailas jemqorlyqqa qarsy is-qimyl agenttiginiń Nur-Sultan qalasy boiynsha departamenti basshysynyń birinshi orynbasary Jazira Jylqyshieva UBT kezinde sybailas jemqorlyq áreketter úshin ata-analardyń jaýapkershiligi týraly aitty. Bul jóninde vedomstvonyń baspasóz qyzmeti habarlady.
Testileýdiń ashyqtyǵy men obektivtiligin qamtamasyz etý úshin Bilim jáne ǵylym ministrliginiń buiryǵymen elimizdiń barlyq aimaqtarynda jumys toby quryldy. Onyń quramyna arnaiy monitoring top, «Adaldyq alańy» jobalyq keńsesiniń ókilderi jáne agenttik qyzmetkerleri kirgen.
«Bul toptyń negizgi maqsaty - testileýdiń «tazalyǵyn» baqylaý. Qandai da bir sáikessizdikter nemese testileýdi durys tapsyrmaǵan jaǵdailar anyqtalǵanda, olar bul týraly jaýapty tulǵalarǵa habarlaýǵa mindetti. Qazir agenttik áleýmettik jelilerde, WhatsApp messendjerlerinde ata-analar toptaryna monitoring uiymdastyrýda. Onyń nátijesinde Ulttyq birynǵai testileýden oń nátijege qol jetkizýge járdem kórsetý boiynsha belgisiz azamattar anyqtalýda. Osyǵan bailanysty agenttik oqýshylardy tek óz bilimderine ǵana súiene otyryp, test tapsyrýǵa shaqyrady, al ata-analardy testileý qorytyndysy boiynsha oń baǵa alý maqsatynda para bergeni úshin qylmystyq jaýapkershilik jáne bas bostandyǵynan aiyrý kózdelgenin eskertedi» dep atap ótti Jazira Jylqyshieva.
Eger azamattar osyndai jaǵdaiǵa tap bolsa, sybailas jemqorlyqqa qarsy qyzmettiń 1424 call-ortalyǵyna nemese «Astana – adaldyq alańy» jobasynyń +7 775 160 5532 nómirine qońyraý shalý qajet.
Jalpy, agenttik Bilim jáne ǵylym ministrligimen birlesip, parasat pen akademiialyq adaldyq ideologiiasyn ilgeriletý boiynsha belsendi jumys júrgizýde.
Sonymen qatar Jazira Jylqyshieva elordada Nur-Sultan qalalyq Sybailas jemqorlyqqa qarsy is-qimyl departamentiniń arnaiy monitoring toby men «Astana – adaldyq alańy» jobasynyń músheleri Izmailova Valentina Vasilevna, Arystanbaeva Svetlana Andreevna, Týgelbaev Jomart Maslihatovich, Ormanova Altynai Asylbekovna, Magzým Arslanbek Talgatovich, Jandildaev Bakdaýlet Bolatovich L.N. Gýmilev atyndaǵy Eýraziia Ulttyq ýniversiteti, S.Seifýllin atyndaǵy Qazaq agrotehnikalyq ýniversiteti, Qazaq ekonomika, qarjy jáne halyqaralyq saýda ýniversitetinde UBT-ǵa monitoring jumystaryna qatysqan.
Sonymen birge, monitoring tobynyń músheleri beinebaqylaý kameralary arqyly test tapsyrý barysyn jiti qadaǵalap otyrdy. Tártip buzý oryn alǵan jaǵdaida oqý oryndarynyń basshylaryna dereý habarlap otyr.
