Aqtóbede UBT ótti. Taǵy 86 adam synaqtan shyǵaryldy, dep habarlaidy "Ult aqparat".
Tamyz aiynyń 17-20 kúnderi aralyǵynda Aqtóbe qalasynda taǵy da ulttyq biryńǵai testileý ótti. Bul jolǵy synaqqa naýryz aiyndaǵy aqyly UBT-ǵa tirkelgender men maýsym aiyndaǵy UBT-da nátijesi joiylǵan, tyiym salynǵan zattardy paidalanǵany úshin testileýden shyǵarylǵandar qatysty. Synaq talapqa sai ótýi úshin Bilim jáne ǵylym ministrliginiń buiryǵyna sáikes «Aqtóbe - adaldyq alańy» jobalyq keńsesiniń jáne sybailas jemqorlyqqa qarsy vedomstvonyń qyzmetkerleri baqylady.
«Aqtóbe oblysy boiynsha testileý emtihanyna qatysýǵa 933 adam ótinish bildirip, sonyń 759 keldi. Onyń ishinde 67 túlek emtihanǵa kirer aldynda tyiym salynǵan zattardy (uialy telefondar, shpargalkalar t.b.) ózimen alyp kirgeni úshin jáne 21 emtihan kezinde tyiym salynǵan zattardy paidalanǵany úshin testileýden shyǵaryldy. Nátijesinde 671 ýshy tapsyryp shyqty. Testileýdi uiymdastyrýshylar tarapynan kemshilikter bolǵan joq. Barlyq sanitarlyq talap saqtalǵan. Onyń ishinde: dezinfektsiialyq tonnelden ótý, arnaiy dezinfektsiialanǵan kilemshede aiaq kiimdi zararsyzdandyrý, dene qyzýyn ólsheý, qoldy antiseptikpen óńdeý, meditsinalyq maskalarmen qamtamasyz etý.
Testileýge kirgizý jáne otyrǵyzý kezinde túlekter arasynda keminde eki metr ara qashyqtyq saqtaldy. Aýditoriialar tek 35% deiin toltyryldy. Aýditoriialar beinebaqylaý kameralarymen jáne arnaiy bailanys óshirgishterimen jabdyqtalǵan», - dep habarlady «Aqtóbe – adaldyq alańy» jobalyq keńsesiniń baspasóz qyzmeti.
