"Ulttyq aqparattyq tehnologiialar" AQ basqarma tóraǵasy Rostislav Koniashkin qazaqstandyq internetke hakerlik shabýyldarǵa qatysty pikir bildirdi, - dep habarlaidy Tengrinews.kz.
Digital Bridge 2022 tsifrlyq tehnologiialar jáne biznes halyqaralyq forýmy kýlýarynda jýrnalister "UAT" AQ basshysynan derekter qaýipsizdigi týraly suraq qoidy.
"Iá, biz belsendilik artqanyn, aqparattyq júielerimizge, eGov júielerine, memlekettik organdardyń barlyq gov.kz saityna – internet-resýrstardyń biryńǵai portalyna jáne basqa da resýrstarǵa suranys artqanyn kórip otyrmyz. Suranystar sany artqanyn baiqap otyrmyz, shabýldarǵa qatysty MTQ (Memlekettik tehnikalyq qyzmet) jaýap beredi dep oilaimyn", - dedi Koniashkin.
Ol keiingi kúnderi belsendilik joǵarylaǵanyn aitty.
"Keiingi aptanyń basynan bastap belgili bir tolqýlar boldy. Shabýyldar qaidan jasalyp jatqany belgisiz, bul týraly MTQ-dan suraý durys bolar... "UAT" AQ retinde azamattarymyzdyń derekterin qorǵaý boiynsha biz de belgili bir jumystar júrgizip jatyrmyz. Bizde aqparattyq qaýipsizdik ortalyǵy bar, ol biriktirilgen, Ulttyq aqparattyq qaýipsizdik ortalyǵyna qosylǵan. Olar senimdi qorǵalǵan, osyǵan bailanysty problemalar bolmaýy tiis", - dep túsindirdi "UAT" AQ basshysy.
Ol Qazaqstanda 300-den asa memlekettik sait, memlekettik aqparattyq júieler bar ekenin aitty.
"Qazir olardy tutastyrý, biriktirý jáne uzaq merzimdi strategiiany qalyptastyrý, biryńǵai platformalarǵa aýystyrý boiynsha jumystar júrgizilip jatyr.
Shabýyldar belgili bir jiilikpen júredi, bul turaqty protsess. Biz qazaqstandyqtarǵa olardyń derekteriniń qorǵalýyna kepildik bere alamyz jáne berýimiz kerek. Biz óz júielerimizben, jumys blogymen ainalysatyn kompaniia retinde buǵan kepildik berýge mindettimiz, biz qajetti is-sharalardy júrgizemiz", - dep qorytyndylady Koniashkin.
