9 naýryzda elimizdiń avtojoldarynda aýa raiynyń nasharlaýyna bailanysty TJM aýmaqtyq bólimsheleri qar qursaýynan 64 tehnikany shyǵaryp, 125 adamdy qutqaryp, evakýatsiialady, dep habarlaidy "Ult aqparat" TJM baspasóz qyzmetine silteme jasap.
TJM ahýaldyq ortalyǵynda Respýblikalyq jedel shtab jumys isteidi. Osyndai shtabtar Aqmola, Soltústik Qazaqstan, Batys Qazaqstan, Shyǵys Qazaqstan j»ne Qostanai oblystarynda jumys isteidi.
10 naýryzda «Qazgidromet» málimeti boiynsha 7 óńirde (Aqmola, Aqtóbe, BQO, Qaraǵandy, Qostanai, Pavlodar jáne Soltústik Qazaqstan oblystarynda) daýyldy eskertý jariialandy.
Qazirgi ýaqytta aýa raiynyń nasharlaýyna bailanysty (boran, qar, nashar kóriný, kóktaiǵaq) 6 óńirde respýblikalyq avtojoldardyń 12 ýchaskesi jáne 51 oblystyq mańyzy bar ýchaskesi jabyldy, bul Aqmola, Soltústik Qazaqstan, Qostanai, Aqtóbe, Shyǵys Qazaqstan, Batys Qazaqstan oblystarynda.
Batys Qazaqstan oblysyndaǵy beketterde 253 júk jáne jeńil avtokólik tur.
Shuǵyl jumystarǵa TJM, IIM, jol qyzmetterinen, JAO barlyǵy 423 adam jáne 301 tehnika jumyldyryldy.
Halyqty eskertý maqsatynda aýa raiyna qatysty 15 SMS habarlama taratyldy, «Dármen» mobildi qosymshasy arqyly 17 habarlama jiberildi. Ýaqytyly aqparattyq-psihologiialyq kómek kórsetý úshin óńirlerde «Jedel bailanys jelisi» isteidi.
