foto: ashyq derekkózden
Sybailas jemqorlyqqa qarsy qyzmet joǵary laýazymdy sheneýnikter arasynda jemqorlyqtyń júieli faktilerin anyqtaý aiasynda Tótenshe jaǵdailar ministrligimen birlesip, osy vedomstvonyń bólimshe basshylarynyń zańsyz áreketteriniń jolyn kesti.
Bul týraly Sybailas jemqorlyqqa qarsy is-qimyl agenttiginiń jartyjyldyq qorytyndy otyrysynda tóraǵa Ashat Jumaǵali habarlady, dep jazady "Ult aqparat".
Aitalyq, jasyryn is-sharalardyń nátijeleri boiynsha TJM Órtke qarsy qyzmet komitetiniń tóraǵasy, sondai-aq Shymkent qalasy men Jetisý oblysy boiynsha TJD bastyqtary paraqorlyqpen áshkerelengen.
Olar órtke qarsy qaýipsizdik salasyndaǵy qamqorlyǵy úshin kásipkerlerden júieli negizde para alyp, tekseriletin uiymdardy kelisimsharttar jasaý arqyly olardyń qyzmetterin satyp alýǵa jáne ýaqtyly aqy tóleýge májbúrlegen dep kúdiktenedi. Para somasy 100 myńnan 4 mln teńgege deiingi aralyqty quraidy.
"Budan basqa, TJM Órtke qarsy qaýipsizdik komitetiniń tóraǵasy zańsyz aqshalai syiaqy úshin Ulytaý oblysy boiynsha TJD basshylarynyń birine qamqorshylyq jasaǵan.
Kúdiktiler ustalyp, ýaqytsha ustaý izoliatoryna qamaldy.
Sotqa deiingi tergeý jalǵasyp jatyr. Atalǵan laýazymdy adamdardyń basqa da jemqorlyq quqyq buzýshylyqtarǵa qatystyǵy tekserilýde.
Qylmystyq-protsestik kodeksiniń 201-babyna sáikes ózge de aqparat jariia etýge jatpaidy" - delingen Antikor habarlamasynda.
Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
