QR Tótenshe jaǵdailar ministri Iýrii Ilin sý tasqyny qaýpi bar óńirlerdi atady, dep habarlaidy QazAqparat.
«Qar jamylǵysynyń jai-kúii týraly aitar bolsaq, Qazaqstan aýmaǵynda aqpannyń aiaǵynda jáne naýryzdyń basynda aýa raiy nasharlady jáne elimizdiń shamamen 10%-yn áli de qar basyp jatyr. Bul negizinen Aqmola, Soltústik Qazaqstan, ishinara Qostanai oblystary jáne Shyǵys Qazaqstan jáne Almaty oblystarynyń taýly aýdandary», - dedi ministr Ortalyq kommýnikatsiialar qyzmetinde ótken baspasóz máslihatynda.
Ministr aqpan aiynyń basynan bastap TJ jónindegi komissiia otyrystary, onyń ishinde Úkimet otyrystary ótkenin, onda naqty is-sharalar aiqyndalǵanyn jáne aldaǵy sý tasqyny kezeńine daiyndyq jumystary boiynsha tapsyrmalar berilgenin aitty.
«Aldyn ala jasalǵan jumystar búgingi kúni eldi mekenderdi sý basý qaýipteri barynsha azaitylǵan dep aitýǵa múmkindik beredi», - dedi Iýrii Ilin.
