Foto: QR TJM
Daǵdarys jaǵdailarynda basqarý ortalyǵynda tótenshe jaǵdailar ministri Syrym Sháriphanovtyń tóraǵalyǵymen Respýblikalyq jedel shtabtyń kezekten tys otyrysy ótti, - dep habarlaidy TJM baspasóz qyzmeti.
Vedomstvo málimetinshe, otyrysqa azamattyq qorǵaý qyzmetteri, jedel shtabtyń jeke quramy jáne aýmaqtyq bólimsheler qatysqan.
"Jergilikti atqarýshy organdarmen jáne TJM aýmaqtyq bólimshelerimen beinekonferentsbailanys barysynda TJ ministri "Qazseldenqorǵaý" MM, IIM, Qorǵanys ministrligi, joldar men kópirler qyzmeti (Qazavtojol), himiialyq qyzmet, meditsinalyq qyzmet, kólik qyzmeti, bailanys qyzmetiniń baiandamalaryn tyńdady.
"Seismologiialyq baqylaýlar men zertteýlerdiń ulttyq ǵylymi ortalyǵy" JShS seismikalyq jaǵdaidy baǵalaýyna sáikes, jaqyn arada Almaty boljamdyq poligonynyń aýmaǵynda MSK-64K seismikalyq shkalasy boiynsha qarqyndylyǵy 7 baldan asatyn jer silkinisi kútilmeidi.
Jedel shtabtarda uiymdastyrylǵan jedel jeli telefondaryna azamattardan 377 qońyraý kelip tústi" - delingen habarlamada.
Al "Qazseldenqorǵaý" MM aqparatyna sáikes, Almaty qalasy, Almaty, Jambyl, Túrkistan jáne Jetisý oblystary boiynsha barlyq beketter baqylaý men derekterdi berýdiń jedeldetilgen rejimine aýystyrylǵan. Beketterdiń jalpy sany - 76. Júrgizilgen zertteý nátijeleri boiynsha jer silkinisi selden qorǵaý qurylystaryna teris áser etpegen. Sý rejiminde eshqandai ózgeris joq. Syrǵymalar men kóshkinderdiń júrýi týraly da aqparat túspegen. Tekserýler jalǵasyp jatyr.
"QR Qarýly Kúshteriniń kúshteri men quraldary turaqty ornalasý pýnktterinde.
Kólik qyzmeti Almaty qalasynyń áýejaiy shtattyq rejimde jumys isteitinin habarlady. Qazirgi jaǵdaida kezekshi aýysym kútpegen jaǵdailar josparyna sáikes áreket etti.
Qoǵamdyq tártipti saqtaý qyzmetiniń kúshteri men quraldary qyzmet atqarýdyń kúsheitilgen nusqasyna aýystyryldy.
Otyrys sońynda TJ ministri tiisti azamattyq qorǵaý qyzmetterine birqatar tapsyrmalar berdi" - delingen vedomstvo habarlamasynda.
