Tótenshe jaǵdaiǵa bailanysty zeinetaqy men járdemaqyǵa qujat tapsyra almaǵan qazaqstandyqtar rejim aiaqtalǵannan keiin bir ai ishinde ótinish bere alady, - dep habarlaidy Sputnik Qazaqstan.
"Eger jasyna bailanysty zeinetaqy tólemin, memlekettik bazalyq zeinetaqyny, memlekettik áleýmettik járdemaqylardy, memlekettik arnaiy járdemaqyny, Memlekettik áleýmettik saqtandyrý qorynan tólenetin áleýmettik tólemderdi taǵaiyndaýǵa negizder 2022 jyldyń 1 qańtarynan nemese tótenshe jaǵdai kezeńinde bastalsa, kórsetilgen kezeńde ótinish bermegen azamat tótenshe jaǵdai rejimi aiaqtalǵannan keiin bir ai ishinde osy tólemderdi taǵaiyndaýǵa qajetti qujattardy qosa usynyp, ótinish bere alady", - delingen qujatta.
Bul rette tólemder ótinish bergen kúnnen emes, negiz týyndaǵan kúnnen bastap taǵaiyndalady.
Buǵan deiin Qazaqstanda 5 qańtardan 19 qańtarǵa deiin tótenshe jaǵdai rejimi engizildi. Jýyrda Prezident Jarlyǵymen Batys Qazaqstan, Pavlodar jáne Soltústik Qazaqstan oblystarynda tótenshe jaǵdai rejimi alynyp tastaldy.
