Tian-Shan taýynda joǵalǵan Qazaqstan alpinisterin izdeý jumystary erteń, 22 tamyz kúni qaita jalǵasady. Bul týraly QR IIM Tótenshe jaǵdailar komitetinen málim etti, dep habarlaidy "Ult aqparat".
«Tian-Shan taýlaryna qar túrindegi jaýyn-shashyn túsýiniń jalǵasýyna jáne qas qaraia bastaýyna bailanysty búgingi izdeý-qutqarý jumystary toqtatyldy. Áskeri alpinister mingen toppen QR IIM TJK qutqarý aviatsiiasynyń ushýy tikushaq qozǵalysyna qolaily jaǵdai bolǵan kezge, iaǵni 22 tamyz kúni tańǵy ýaqytqa josparlanǵan», - dep atap ótedi komitetten.
Eske salsaq, almatylyq alpinister Murat Ótepbaev, Andrei Korneev jáne Aleksandr Chechýlin Qyrǵyz taýlarynda joǵalyp ketti. Almaty qalasynyń ákimi Baqytjan Saǵyntaev alpinister tobynyń iz-túzsiz ketýine qatysty Instagram paraqshasynda alańdaýshylyq bildirdi. Keiinirek quzǵa órmeleýshilerdiń biriniń qyzy áleýmettik jeli arqyly qalyń kópshilikten kómek surady. Kóp uzamai QR Qorǵanys ministrligi alpinisterdi qutqarý operatsiiasyn bastaǵanyn málim etti. Qutqarýshylar tobyna áigili alpinist Maqsut Jumaev jetekshilik etýde.
