Twitter áleýmettik jelisi 30 qazanda platformada barlyq saiasi jarnamaǵa tyiym salatynyn málimdedi. Kompaniia basshylary mundai sipattaǵy jazbalar saýdaǵa salynbaýy tiis dep sanaidy.
Twitter-diń bas direktory Djek Dorsidiń aitýynsha, jarnama berýshiler úshin internet-jarnama - óte qýatty ári tiimdi qural. Olardy keide sailaýshylarǵa yqpal etý maqsatynda paidalanýy múmkin. Al onyń nátijesi milliondaǵan adamdardyń ómirine áser etedi.
Dorsidiń pikirinshe, internettegi saiasi jarnama máselesi qoǵamda qyzý talqylanyp, saraptalýy kerek. Onyń oiynsha, qazirgi demokratiialyq infraqurylym saiasi málimdemelerdiń jappai taralýynyń teris áserin joiýǵa shamasy jetpeýi múmkini.
Osy máseleni sheshý úshin "keri shegine turý kerek" dedi ol.
Twitter-diń básekelesi Facebook jelisi qazan aiynda saiasat jáne túrli kampaniialarǵa qatysty jarnamalardy teksermeitinin málimdep, ótkir synǵa ushyraǵan. AQSh-ta 2020 jyly qarasha aiynda ótetin prezident sailaýy qarsańynda áleýmettik jelini ielengen kompaniialardy BAQ men qoǵam erekshe baqylap otyr.
