Ánshi Sáken Maiǵazievtiń telejúrgizýshi Móldir Muqannyń otbasylyq merekesinde aitqan tilegi áleýmettik jelide túrli pikir týdyrdy, dep habarlaidy ult.kz, Qazaqtoday.info aqparat portalyna silteme qaldyra otyryp.
Jaqynda Móldir Muqan otbasyndaǵy úsh mańyzdy qýanyshty bir keshte atap ótken bolatyn. Saltanatty jiynda sóz sóilegen Sáken Maiǵaziev balalarǵa aq tilegin arnap:
«Tursynbek pen Móldirdiń kishkentai qulynshaqtary senimderin aqtai bersin», - degen.
Alaida bul sóz áleýmettik jeli qoldanýshylary arasynda qyzý talqylandy. Keibir oqyrmandar Tursynbek Qabatov pen Móldir Muqannyń ajyrasqanyn eske salyp, mundai jaǵdaida burynǵy jubaiynyń esimin ataý orynsyz bolǵanyn jazdy.
Pikir bildirýshilerdiń biri:
«Sáken myrza, Tursynbekti ekinshi otbasyna barǵan kezde quttyqtaisyz. Bul - Móldirdiń shańyraǵy. Áke bolyp kelmei me? Qazir zaman basqa. Kelse, Móldir ket demeidi ǵoi. El aldynda júrgen azamat sonda ekinshisimen óte almai kele almai tur ǵoi, ol áieli biletin otbasy ekeni», - dep jazǵan.
Taǵy bir jeli qoldanýshysy:
«Tursynbektiń ózi de, kózi de joq qoi. Ondai adamdy aityp qystyrýdyń ne qajeti bar?» - degen pikir qaldyrǵan.
Sonymen qatar, pikir bildirýshilerdiń taǵy bir bóligi ánshiniń sózinen eshqandai astar izdeýdiń qajeti joq ekenin aitty. Olardyń pikirinshe, Sáken Maiǵaziev tek balalarǵa aqjarma tilegin jetkizgen, al bul sózdi artyq talqylaýdyń qajeti joq.
