Ázilkesh Tursynbek Qabatov Quryltai depýtattarynyń sailaýyna jurtty belsendi qatysýǵa shaqyrǵan videoúndeý jariialady. Alaida onyń úndeýi kópshilik kútkendei qoldaýǵa emes, synǵa ulasty, dep habarlaidy ult.kz.
Óner iesi videoda azamattardy sailaýǵa baryp, óz tańdaýlaryn jasaýǵa shaqyrǵan. Alaida sóz arasynda «Quryltai» ataýyn eki ret «Qurlytai» dep qate aitqany áleýmettik jeli qoldanýshylarynyń nazarynan tys qalmady.
Jelide taraǵan videoǵa pikir bildirgender onyń sózdi durys aitýyna mán berse, endi biri sailaý aldynda halyqqa úndeý jasaǵan azamattyń mundai qatelikke jol bergenin synǵa aldy.
«Quryltai» sóziniń durys aitylýyna qatysty pikirtalas áleýmettik jelide qyzý talqylanyp jatyr. Kei qoldanýshylar Tursynbek Qabatovtyń aitqanynan buryn, onyń saýatty sóileýine nazar aýdarǵan.
Aita keteiik, Qazaqstanda Quryltai depýtattarynyń sailaýy búgin, 23 tamyzda ótip jatyr. Osyǵan bailanysty qoǵamǵa belgili tulǵalar azamattardy daýys berýge shaqyryp, óz úndeýlerin jariialaǵan.
